BIG NEWS / ક્યૂબામાં તેલના ડેપો પર વીજળી પડતા લાગી ભયંકર આગ, 80 લોકોને ઇજા, 17 ફાયરવિભાગના કર્મચારી લાપતા

• ક્યુબાના માતંજસ શહેરમાં તેલ સંગ્રહ પર વીજળી પડી 
• વીજળી પડતા ટેન્કરોમાં આગ લાગી 
• અત્યાર સુધી 17 લોકો થયા લાપતા 

ક્યુબાના અધિકારીઓએ જણાવ્યું હતું કે શનિવારે માતંજસ શહેરમાં એક તેલ સંગ્રહ સુવિધામાં વીજળી પડવાથી લાગેલી આગ અનિયંત્રિત થઇ હતી. ચાર વિસ્ફોટો પછી ફાટી નીકળેલી આગની જ્વાળાઓમાં લગભગ 80 લોકો ઘાયલ થયા હતા અને 17 અગ્નિશામકો ગુમ થયા હતા. અગ્નિશામકો અને અન્ય નિષ્ણાતો હજી પણ માતંઝ સુપરટેન્કર બેઝ પર લાગેલી આગને કાબૂમાં લેવાનો પ્રયાસ કરી રહ્યા હતા. શુક્રવારે રાત્રે વાવાઝોડા દરમિયાન આગ ફાટી નીકળી હતી. ક્યુબાની સરકારે પાછળથી કહ્યું હતું કે તેણે આગને કાબૂમાં લેવા માટે તેલ ક્ષેત્રના અનુભવવાળા "મિત્ર દેશો" પાસેથી આંતરરાષ્ટ્રીય નિષ્ણાતોની મદદ માંગી છે.

17 લોકો ગુમ થયા 
સમાચાર એજન્સી એએનઆઈના રિપોર્ટ મુજબ વીજળી પડવાના કારણે તેલની એક ટાંકીમાં આગ લાગી હતી અને બાદમાં આગ બીજી ટાંકીમાં આગ ફેલાઈ ગઈ હતી. લશ્કરી હેલિકોપ્ટરોએ આગ પર પાણી છાંટવામાં આવ્યું હતું, પરંતુ આગ વધુ ફેલાતી ગઈ હતી. માતંજસના અધિકારીઓએ જણાવ્યું કે ઘાયલોની સંખ્યા 80ની આસપાસ પહોંચી ગઈ છે, જ્યારે 17 લોકો લાપતા છે. જે 17 લોકો ગુમ થયાની જાણ થઈ હતી તે તમામ અગ્નિશામકો હતા જેઓ આગને રોકવાનો પ્રયાસ કરી રહ્યા હતા.

⚠️⚠️Se complica la situación en Matanzas, las paredes del tanque se derritieron y causaron una segunda explosión... hay temor a que el fuego se expanda a tanques vecinos y la catástrofe sea mayor. pic.twitter.com/p0WXoNtAow

— Mag Jorge Castro🇨🇺 (@mjorgec1994) August 6, 2022

ઘાયલને હોસ્પીટલમાં મોકલાયા
ઘાયલોમાંથી સાતને હવાનાની કેલિક્સ્ટો ગાર્સિયા હોસ્પિટલમાં લઈ જવામાં આવ્યા હતા, જ્યાં એક મોટું બર્ન યુનિટ છે. આ દુર્ઘટના એવા સમયે થઈ છે જ્યારે ક્યુબા ઈંધણની અછત સામે ઝઝૂમી રહ્યું છે. સ્ટોરેજ સુવિધામાં કેટલું તેલ બળી ગયું છે અથવા જોખમમાં છે તે અંગે તાત્કાલિક કોઈ માહિતી મળી નથી. આ જગ્યાએ આઠ વિશાળ તેલની ટાંકીઓ છે, જે વીજળી ઉત્પન્ન કરતા પ્લાન્ટ્સને બળતણ આપવા માટે ઉપયોગમાં લેવાતા તેલનો સંગ્રહ કરે છે.

800 લોકોને બચાવવામાં આવ્યા
અધિકારીઓએ જણાવ્યું હતું કે આગના સ્થળની નજીકના વિસ્તારોમાંથી લગભગ 800 લોકોને બહાર કાઢવામાં આવ્યા હતા. કેટલાક લોકોએ જાતે જ તેલ ટેન્કરોની નજીકની જગ્યા છોડવાનું નક્કી કર્યું. ક્યુબાના રાષ્ટ્રપતિ મિગુએલ ડિયાઝ-કેનેલે શનિવારે વહેલી સવારે આગના વિસ્તારની મુલાકાત લીધી હતી.