આગ / ગાઝિયાબાદમાં PPE કિટ બનાવતી ફેક્ટ્રીમાં ભીષણ આગ, 14 લોકો દાઝ્યા હોવાના અહેવાલ

• ફૈક્ટ્રીમાં બનતી હતી પીપીઈ કિટ
• 4 ઘાયલોની હાલત ગંભીર
• આગનું કારણ સ્પષ્ટ નથી 

આ ઘટનામાં 14 લોકો આગની ઝપેટમાં

મળતી જાણકારી મુજબ આ આગ થાના લિંક રોડના ઈન્ડસ્ટ્રિયલ એરિયા 12/71 ફેક્ટ્રીમાં લાગી છે. જે ફેક્ટ્રીમાં આગ લાગી છે ત્યાં માસ્ક અને પીપીઈ કિટ બનાવવામાં આવે છે. ફેક્ટ્રીમાં આગની સૂચના મળતા ફાયરની ગાડીઓ ઘટના સ્થળ પર પહોંચી ગઈ છે. પ્રાપ્ત જાણકારીના જણાવ્યાનુંસાર સાહિબાબાદ અને વૈશાલી ફાયર સ્ટેશનની ગાડીઓ સ્થળ પર પહોંચી ગઈ છે. ઘણી મહેનત બાદ ફાયર બ્રિગેડ ટીમે આગ પર કાબૂ મેળવી લીધો છે. આ ઘટનામાં 14 લોકો આગની ઝપેટમાં આવ્યા હોવાની જાણકારી મળી છે.

ફૈક્ટ્રીમાં બનતી હતી પીપીઈ કિટ

સીઓના જણાવ્યાનુંસાર આગની ઝપેટમાં આવનારા 5 લોકોને મૈક્સ હોસ્પિટલમાં અને 8 લોકોને યશોદા હોસ્પિટલમાં દાખલ કરવામાં આવ્યા છે. તેમણે જણાવ્યું કે સ્થળ પર આગ પર કાબુ મેળવવનું કામ ચાલી રહ્યું છે. જે ફેક્ટ્રીમાં આગ લાગી છે ત્યાં પીપીઈ કિટ અને માસ્ક બનતા હતા.

4 ઘાયલોની હાલત ગંભીર

સ્થળ પર પહોંચેલા એસએસપી કલાનિધિ નૈથાનીએ જણાવ્યું કે સ્થાનીક પોલીસ તથા દમકલ વિભાગને માહિતી મળી હતી કે મેડિકલ ઈક્વિપમેન્ટ બનાવનારી ફેક્ટ્રીમાં ભીષણ આગ લાગી છે. સૂચનાના આધાર પર પોલીસ અને ફાયર વિભાગની ટીમ અનેક કલાકની મહેનત બાદ આગ પર કાબુ મેળવ્યો છે. તેમણે જણાવ્યું કે શરુઆતની તપાસમાં જોયું કે આ દરમિયાન ફેક્ટ્રીમાં કામ કરી રહેલી 2 મહિલાઓ અને સગીર બાળકો સહિત કુલ 14 લોકોને આગની ઝપેટમાં આવી ગયા છે.  જેમાં 4 લોકોની હાલત ગંભીર ગણાવામાં આવી છે.

આગનું કારણ સ્પષ્ટ નથી 

તમામ ઘાયલોને અલગ અલગ હોસ્પિટલોમાં સારવાર માટે દાખલ કરવામાં આવ્યા છે. ત્યારે ફાયર વિભાગની ટીમ કંપનીની અંદર તપાસ કરી રહી છે કે કોઈ કેઝ્યુલ્ટી નથીને. કંપનીમાં  કેમિકલ ડ્રમમાં વિસ્ફોટ થયા જેમાં કંપનીના કેટલાક ભાગ તુટીને પડી ગયા. આગ લાગવાનું કારણ સ્પષ્ટ થઈ શક્યું નથી.