નશાનો વેપલો / પકડાઈ ગયો હેરોઈનનો મોટો જથ્થો, મુંબઈ પોર્ટ પર નાટકીય રીતે ઝડપાયું 1700 કરોડનું 20 ટન ડ્રગ

• દિલ્હી પોલીસ સ્પેશિયલ સેલની મોટી કાર્યવાહી 
• મુંબઈ પોર્ટ પરથી ઝડપી પાડ્યું 1700 કરોડનું ડ્રગ
• પોર્ટ પરના કન્ટેનરમાં કેપ્સુલમાં લવાયું હતું ડ્રગ 

દેશમાં ડ્રગની મોટી ખેપ ઝડપાવી હવે સામાન્ય થતી જાય છે. ગુજરાતના મુદ્રા પોર્ટ બાદ હવે મુંબઈ પોર્ટ પરથી ડ્રગનો મોટો જથ્થો ઝડપાયો છે. દિલ્હી પોલિસની સ્પેશિયલ સેલે મુંબઈના જવાહરલાલ નહેરુ પોર્ટ પર પડેલા એક મોટા કન્ટેઈનરમાંથી 1700 કરોડનું ડ્રગ ઝડપી પાડ્યું હતું. આ ડ્રગ કેપ્સુલ આકારની ગોળીઓમાં છુપાવીને કન્ટેનરમાં રખાયું હતું. 

22 tonnes of licorice coated with heroin seized at Mumbai's Nava Sheva Port, valued at over Rs 1,700 cr

Read @ANI Story | https://t.co/HlE5GTbnmL#Mumbai #NavaShevaPort #Licorice #DelhiPolice pic.twitter.com/nsyZOJR0hp

— ANI Digital (@ani_digital) September 21, 2022

કેવી રીતે ઝડપાયું ડ્રગ 
દિલ્હી પોલીસની સ્પેશિયલ સેલે થોડા દિવસ પહેલા બે અફઘાની નાગરિકોની ધરપકડ કરી હતી. અફઘાની નાગરિકોએ પૂછપરછમાં એવો ખુલાસો કર્યો હતો કે ડ્રગથી ભરેલું એક મોટું કન્ટેનર મુંબઈ પોર્ટ પર પડેલું છે. આરોપીઓએ કરેલા ખુલાસાને આધારે સ્પેશિયલ સેલના અધિકારીઓ મુંબઈ પોર્ટ પર પહોંચ્યાં હતા અને ત્યાંથી કન્ટેનરને કબજે લઈને તેમાં તપાસ કરી હતી જેમાંથી 1700 કરોડનું ડ્રગ મળી આવ્યું હતું. 

1725 કરોડના ડ્રગને દિલ્હી લાવવામાં આવ્યું 
સ્પેશિયલ સીપી એચજીએસ ધાલીવાલે જણાવ્યું હતું કે જપ્ત કરવામાં આવેલા હેરોઇનની કુલ કિંમત આશરે 1,725 કરોડ રૂપિયા છે. કન્ટેનરને દિલ્હી લાવવામાં આવ્યું છે. આ પકડાયેલ ડ્રગ્સથી તે સ્પષ્ટ થાય છે કે નાર્કો આતંક આપણા દેશ પર કેવી અસર કરી રહ્યો છે. વિશ્વના ડ્રગ ડીલર્સ આપણા દેશમાં ડ્રગ્સ સપ્લાય કરવા માટે વિવિધ કીમિયાઓનો ઉપયોગ કરી રહ્યા છે.

Total value of heroin seized was approx Rs 1,725 crores. The container was transported to Delhi. This seizure indicates how narco terror is impacting our country & international players are using different methodologies to push drugs into our country: HGS Dhaliwal, Special CP https://t.co/nyf9Id0eg3 pic.twitter.com/1GSrTJtsOY

— ANI (@ANI) September 21, 2022

બે અફઘાન નાગરિકોને લઈને આવ્યાં હતા ડ્રગનો મોટો જથ્થો 
 સ્પેશિયલ સેલે થોડા દિવસો પહેલા બે અફઘાનની ધરપકડ કરીને નાર્કો આતંકનો પર્દાફાશ કર્યો હતો. ત્યારબાદ સ્પેશિયલ સેલે 1200 કરોડ રૂપિયાનું ડ્રગ્સ પકડ્યું હતું. પૂછપરછ દરમિયાન અફઘાન નાગરિકોએ ખુલાસો કર્યો હતો કે આ ડ્રગ મુંબઈના બંદર પર કન્ટેનરમાં પણ હાજર હતું. આ મહિનાની શરૂઆતમાં દિલ્હી પોલીસે કાલિંદી કુંજ વિસ્તારમાંથી બે અફઘાન નાગરિકોની ધરપકડ કરી હતી. આ ડ્રગના પૈસા પાકિસ્તાનની ગુપ્તચર એજન્સી આઈએસઆઈ પાસે જવાના હતા. આથી પોલીસે નાર્કો ટેરરનો કેસ ગણીને યુએપીએ હેઠળ બંને આરોપીઓ સામે કાર્યવાહી હાથ ધરી છે.