પાવરકટ / પાકિસ્તાનને પડતા પર પાટું: ઇસ્લામાબાદથી લઇને કરાચી સુધી 22 જિલ્લાઓમાં વીજળી ડૂલ, સરકારે કરવો પડ્યો ખુલાસો

• પાકિસ્તાનમાં મોંઘવારી બાદ વધુ એક સમસ્યા
• દેશનાં 22 જિલ્લાઓમાં માસ પાવરકટ
• ઈસ્લામાબાદ, કરાંચી અને પેશાવર ક્ષેત્રમાં પાવરકટ

આર્થિક સંકટનો સામનો કરી રહ્યું પાકિસ્તાન પોતાની જનતા માટે વધુ મુશ્કેલીઓ પેદા કરી રહ્યું છે. સોમવારે સવારે પાકિસ્તાનમાં માસ પાવરકટ થયો છે. આ દેશનાં ઈસ્લામાબાદ, કરાંચી અને પેશાવર ક્ષેત્રનાં 22 જિલ્લાઓમાં વિજળી ગૂલ થઈ છે જેના પર ઊર્જા મંત્રાલયનું નિવેદન જાહેર થયું છે.

There are reports of multiple outages from different parts of the city. We are investigating the issue and will keep this space posted.

— Imran Rana, Spokesperson, K-Electric (@imranrana21) January 23, 2023

નેશનલ ગ્રિડમાં ખરાબી
સરકારે કહ્યું છે કે મેન્ટેનંસનું કામ ચાલી રહ્યું છે. આશા છે કે ટૂંક સમયમાં વીજળીનો સપ્લાય શરૂ થઈ જશે. પાકિસ્તાની મીડિયા અનુસાર આ માસ પાવરકટ નેશનલ ગ્રિડમાં ખરાબી આવ્યા બાદ થયું છે. નેશનલ ગ્રિડ સિસ્ટમમાં આ ખરાબી સવારે 7.34એ આવી હતી. પાકિસ્તાનનાં મંત્રાલયનાં નિવેદન પહેલાં જ ત્યાંની કેટલીક કંપનીઓએ ઈલેક્ટ્રીસિટી કટની માહિતી સોશિયલ મીડિયા પર જણાવી હતી. 

22 જિલ્લાઓમાં પાવર કટની મોટી સમસ્યા 
ક્વેટા ઈલેક્ટ્રિક સપ્લાય કંપની અનુસાર સિંઘનાં ગુડ્ડૂ ક્ષેત્રથી ક્વેટા જનારી 2 ટ્રાંસમિશન લાઈન ટ્રિપ થઈ ગઈ છે. જેના કારણે ક્વેટા સહિત બલૂચિસ્તાનનાં 22 જિલ્લાઓમાં પાવર કટની મોટી સમસ્યા ઊભી થઈ છે. કરાંચીનાં કેટલાક વિસ્તારોમાં પણ વીજળી ગૂલ થઈ ગઈ છે.