ભાવનગરઃ સિહોરમાં એક મકાનમાંથી મોટી માત્રામાં વિદેશી દારૂ ઝડપાયો હતો. પોલીસે બાતમીના આધારે 1610 પેટી વિદેશી દારૂનો જથ્થો ઝડપી પાડયો હતો. પોલીસે કુલ 93 લાખથી વધુનો મુદ્દામાલ ઝડપાયો હતો.
ભાવનગર SOG અને સિહોર પોલીસે સંયુક્ત રેડ પાડીને આ દારૂનો જથ્થો ઝડપી પાડયો હતો. જોકે દારૂ ક્યાંથી લવાયો અને કોણ લાવ્યું હતું. તે મુદ્દે પોલીસે વધુ તપાસ હાથ ધરી છે.
મળતી માહિતી અનુસાર ભાવનગરના સિહોર ગામે એકતા સોસાયટી નજીકના એક મકાનમાંથી દારૂનો મસમોટો જથ્થો ઝડપાયો હતો. ભાવનગરના ઇતિહાસમાં ના પકડાયો હોય એવો દારૂનો જથ્થો શિહોર ખાતે ઝડપવામાં પોલીસને સફળતા મળી હતો.
પોલીસે 1610 પેટી ઈંગ્લીશ દારૂનો જથ્થો પકડી પડ્યો હતો. 93 લાખથી વધુનો મુદ્દામાલ પકડી પાડ્યો હતો. ભાવનગર એસઓજી અને શિહોર પોલીસની સંયુક્ત રેડ કરવામાં આવી હતી. જેમાં આ દારૂ મળી આવ્યો હતો. જો કે હાલ પોલીસની કામગીરી શરુ હોઈ આ આંકડો વધી શકે તેમ છે.