અમેરિકાની એક યુનિવર્સિટીના સંસોધનમાં એવું જણાવાયું છે કે કોરોના રોકવાનો સૌથી અસરકારક ઉપાય માસ્ક પહેરવું અને શ્રેષ્ઠ વેન્ટિલેશનની વ્યવસ્થા છે.
ફ્લોરિડા યુનિવર્સિટીના સંશોધકોનું મહત્વનું તારણ
માસ્ક પહેરવાથી કોરોનાનો ફેલાવો અટકાવી શકાય છે
સોશિયલ ડિસ્ટન્સિંગ કરતા માસ્ક પહેરવું જરુરી
સેન્ટ્રલ ફ્લોરિડા યુનિવર્સિટીના સંશોધકો દ્વારા હાથ ધરવામાં આવેલા નવા સંશોધનમાં એવું જણાવાયું છે કે સોશિયલ ડિસ્ટન્સિંગ કરતા તો સારી રીતે માસ્ક પહેરવાથી તથા બેહતર વેન્ટિલેશન વ્યવસ્થા કરવાથી કોરોનો જલદીથી કાબૂમાં આવે છે.
જર્નલ ફિઝિક્સ ઓફ ફ્લુઈડમાં પ્રસિદ્ધ સંશોધન અનુસાર, ફિઝિકલ ડિસ્ટન્સિંગ હવાજન્ય ધૂળના રજકણોના ફેલાવાને અટકાવી શકતું નથી.
સંશોધકોએ આવી રીતે કર્યો અભ્યાસ
શિક્ષકો અને વિદ્યાર્થીઓ સાથે એક ક્લાસરુમમાં એક કમ્પ્યુટર મોડલ બનાવવામાં આવ્યું. તારણમાં સાબિત થયું છે કે માસ્ક ધૂળના રજકણોને નાક કે મોંમાં આવતા અટકાવી શકે છે. માસ્ક દ્વારા પેદા થયેલી ગરમ હવાના દબાણને કારણે વિદ્યાર્થીઓ ધૂળના રજકણોના સંપર્કમાં ન આવ્યાં કારણ કે એક સીધી હિલચાલ સર્જાઈ અને તેને કારણે ધૂળના રજકણો વિદ્યાર્થીઓ સુધી પહોંચી શક્યા નહોતા.
ક્લાસરુમાં માસ્ક પહેરેલા કેટલાક વિદ્યાર્થીઓને બેસાડવામાં આવ્યાં અને તેમની આગળ શિક્ષકોને રાખવામાં આવ્યાં હતા અને આ રીતે આખું સંશોધન કરાયું અને તેમાં આવા મહત્વના તારણો સામે આવ્યાં.
વેન્ટિલેશન સિસ્ટમ વાઈરસના ફેલાવામાં 40 થી 50 ટકાનો ઘટાડો કરી શકે
તે ઉપરાંત, સંસોધનમાં એવું પણ સૂચન કરાયું છે કે યોગ્ય હવા શુદ્ધિકરણ સાથે સારી કક્ષાની વેન્ટિલેશન સિસ્ટમ વાઈરસના ફેલાવામાં 40 થી 50 ટકાનો ઘટાડો કરી શકે છે. બે મોડલોને એકબીજા સાથે સરખાવતા સંશોધકોને વેલ્સ રિલે અને કમ્યુટનેશનલ ફ્લુડ ડાયનેમિક્સના સરખા પરિણામો મળ્યાં. માસ્ક લગાડવાથી વાઈરસના ફેલાવાની આશંકા શારીરિક અંતર વધવાની સાથે ઘટતી નથી જે દર્શાવે છે કે સ્કૂલો અથવા તો બીજા સ્થળોએ ક્ષમતા વધારવા માટે માસ્ક કેટલું જરુરી છે.
કોરોનાના ફેલાવાને રોકવા માટે છ ફૂટનું અંતર જાળવવાની જરુર નથી
સંશોધનના વડા કિજઝેલે જણાવ્યું કે સંશોધનમાં જણાયું છે જ્યારે માસ્ક પહેરવામાં આવ્યું હોય ત્યારે હવામાંથી થતા કોરોનાના ફેલાવાને રોકવા માટે છ ફૂટનું અંતર જાળવવાની જરુર નથી.