અમદાવાદમાં કોરોનાની અસર બજાર પર જોવા મળી રહી છે, કોરોનાના વધતા કેસ વચ્ચે રવિવારે લો ગાર્ડન બજારમાં સામાન્ય કરતા ઓછી ભીડ જોવા મળી હતી
અમદાવાદમાં કોરોના ટેસ્ટિંગમાં ધસારો
ટેસ્ટિંગ ડોમ પર લાગી લાઇનો
શહેરમાં કોરોનાના એક્ટિવ કેસ 1000ને પાર
અમદાવાદમાં કોરોનાના કેસમાં સતત વધારો જોવા મળી રહ્યો છે. શહેરમાં કોરોનાના કેસોમાં વધારો થતા કોરોના ટેસ્ટિંગ ડોમમાં પણ રેપિડ એન્ટીજન ટેસ્ટ કરાવવા માટે લાંબી લાઈનો લાગી રહી છે. શહેરીજનો મોટી સંખ્યામાં કોરોનાના ટેસ્ટ કરાવવા માટે બહાર નીકળી રહ્યા છે. ઉલ્લેખનીય છે કે, ટેસ્ટિંગ ડોમ પર લાગેલી લાઈનો જ શહેરની વાસ્તવિક્તા બતાવી રહી છે. હાલમાં અમદાવાદમાં કોરોનાના એક્ટિવ કેસોનો આંકડો 1 હજારને પાર પહોંચી ગયો છે.
કોરોનાની અસરથી માર્કેટમાં લોકોની ભીડ ઘટી
અમદાવાદમાં કોરોનાના વધતા કેસોની અસર બજારોમાં પણ જોવા મળી રહી છે. આજે રવિવાર હોવા છતાં અમદાવાદના લો ગાર્ડન બજારમાં સામાન્ય કરતા ઓછી ભીડ જોવા મળી હતી. કપડા તથા ખાણીપીણીની લારીઓ પર ગ્રાહકોની સંખ્યામાં ઘટાડો જોવા મળ્યો હતો. ઉલ્લેખનીય છે કે સરકારના નિર્ણયથી વેપારીઓની ચિંતા વધી ગઈ છે.
લોકોને માસ્ક પહેરાવવાની પોલીસની ઝૂંબેશ
અમદાવાદમાં કોરોનાના સંક્રમણને લઈ પોલીસે નવી ઝુંબેશ હાથ ધરી છે. માસ્ક ન પહેરતા લોકોને દંડ નહિ પણ માસ્ક પહેરાવ્યા હતાં. આ સાથે માસ્ક પહેરીને સામાજીક અંતર રાખવા પણ પોલીસે અપીલ કરી હતી. જેમાં મણિનગર, ગીતામંદિર, દાણીલીમડા વિસ્તારમાં પોલીસની ઝુંબેશ હાથ ધરી છે. તેમજ આ સાથે ચાની કીટલી અને બજારોમાં પોલીસે માસ્કનું અભિયાન શરૂ કર્યું છે.
ગુજરાતમાં કોરોના વાયરસના કારણે સતત ચિંતામાં વધારો થઈ રહ્યો છે ત્યારે આજે ફરી 1500થી વધારે કેસ સામે આવ્યા છે. રાજ્યના સુરત અને અમદાવાદમાં સૌથી વધુ કેસ સામે આવી રહ્યા છે. સ્થાનિક સ્વરાજ્યની ચૂંટણી બાદ ફરી કોરોનાએ માથું ઉચક્યું છે. કોરોનાના કેસમાં સતત વધારો થતા ચિંતા વધી છે. સુરત શહેરમાં 405 કેસ અને ગ્રામ્યમાં 105 નવા કેસ નોંધાયા છે. જ્યારે અમદાવાદ શહેરમાં 443 નવા કેસ, જ્યારે અમદાવાદ ગ્રામ્યમાં 8 કેસ નોંધાયા છે. વડોદરા શહેરમાં 112 કેસ, જ્યારે ગ્રામ્યમાં 20 કેસ નોંધાયા. રાજકોટ શહેરમાં 109 કેસ અને ગ્રામ્યમાં 21 કેસ નોંધાયા છે. ત્યારે જાણો 24 કલાક દરમિયાન રાજ્યના તમામ જિલ્લામાં નોંધાયેલ કેસની વિગત...