હવે ખાલીખમ / ખિસ્સું રૂંધાયું : દર મિનિટે ગુજરાતીઓએ રૂ.2300નો માસ્ક ન પહેરવા માટે દંડ ભર્યો

• વિધાનસભામાં સરકારે આપી માહિતી
• રાજ્યમાં માસ્કનો 249.90 કરોડનો દંડ વસુલાયો
• છેલ્લા 2 વર્ષમાં 36.26 લાખ લોકોને દંડ ફટકારાયો

કોરોના મહામારીએ દસ્તક દિધી ત્યારથી આજ સુધી આપણે સતત કોરોના અને તેની પરીસ્થીતીને લઇને વાત કરતા રહ્યા છીએ. હવે થોડા સમયથી કોરોનાનો આતંક ઘટ્યા બાદ લોકોએ રાહતનો શ્વાસ લીધો છે, કોરોનાની ત્રીજી લહેર તો આવી પણ એટલી ઘાતક પુરવાર થઇ નથી તેની નિંરાત આપણા ગુજરાતે અનુભવી છે. થોડા દિવસોથી કોરોનાનો વ્યાપ સતત ઘટી રહ્યો છે અને તેને કારણે સરકારે જનતા પર મુકેલા નિયંત્રણો પણ સાવ હળવા કરી દીધા છે. જનતા હવે ખુબ લાંબા સમય બાદ પોતાની રૂટીન લાઇફમાં પરત ફરી શકી છે અને નિંરાત પણ અનુભવી રહી છે. પણ એક વાત એ નથી સમજાતી કે કોરોનાનું સંક્રમણ ઘટ્યા બાદ પણ કેમ માસ્કના નિયમોમાં રાહત આપવામાં આવી નથી, કોરોનાના સમય દરમિયાન અધધ માસ્કનો દંડ જનતા પાસેથી વસુલવામાં આવ્યો છે. જે આંક સામે આવ્યો છે માસ્કના દંડનો તે છે 249 કરોડ 90 લાખ આ આંક છે છેલ્લા 2 વર્ષના માસ્ક દંડ ઉઘવરાવ્યો હોય તેનો. ત્યારે હવે આ મસમોટા દંડ અને માસ્કમાંથી મુક્તિ આપવાની માંગ ઉઠી છે.

36 લાખથી વધુ પાવતીઓ ફાટી
ગુજરાતના બજેટ સત્ર દરમિયાન રાજ્ય સરકારે વિધાનસભામાં માહિતી આપી છે કે, રાજ્યમાં છેલ્લા 2 વર્ષ દરમિયાન માસ્કના દંડ સ્વરૂપે લોકો પાસેથી પોલીસ દ્વારા 249 કરોડ 90 લાખ રૂપિયા વસુલવામાં આવ્યા છે. જેમાં માસ્કના નિયમોનો ભંગ કરનારા 36 લાખ 26 હજાર 572 લોકોને દંડ ફટકારવામાં આવ્યો હોવાનુ જણાવ્યુ હતુ. વિધાનસભામાં રાજ્યના ગૃહ વિભાગે એ પણ માહિતી આપી હતી કે, સ્થળ પર માસ્કનો દંડ ન ભરનારા 52 હજાર 907 વ્યક્તિઓ વિરૂદ્ધ ગુના પણ નોંધવામાં આવ્યા છે.

1 મિનિટમાં 2300 રૂપિયા  જેટલો દંડ પોલીસે વસુલ્યો
જો છેલ્લા 2 વર્ષના આંકડાને સમય સાથે સરખાવામાં આવે તો 1 મિનિટમાં 2300 રૂપિયા  જેટલો દંડ ગુજરાત સરકાર દ્વારા આ કોરોનાના કપરાકાળમાં ઉઘરાવવામાં આવ્યો છે. એવરેજ જોઈએ તો રોજ 4968 લોકોએ દરરોજ માસ્ક ન પહેરવાને કારણે ફાઈન ભર્યો હતો. સાથે દંડના આંકડા આવતા લોકોએ પણ આરોપ કરી રહ્યા છે કે આ આંકડા ફક્ત જેની નોંધ થઈ એટલે કે પાવતી ફાટી તેના જ છે અન્ય ગણીએ તો આંકડો ડબલ થાય

કયા જિલ્લામાં કેટલો દંડ ઉઘરાવ્યો? ( 2 મહિના પહેલાના આંકડા)

માસ્કમાંથી મુક્તિ આપવામાં આવે તેવી માંગ ઉઠી
ગુજરાત હવે કોરોના મુક્ત થવા તરફ. ગુજરાતમાં કોરોનાના કેસની સંખ્યા ઘટી. સ્વિમિંગ પુલ, મોલ મલ્ટીપ્લેક્ષ, શાળા કોલેજો શરુ કરવામાં આવી. ઓફલાઇન શિક્ષણ શરુ થયુ અને મહત્વનુ તો નાઇટ કર્ફ્યુ બંધ કરી દેવાયો. તો પછી હવે માસ્ક પહેરવાની કેમ જરુર ? IMA સાથે સંકળાયેલા તબીબોએ સરકારને પત્ર લખીને માસ્કના નિયમને રદ કરવાની માગ કરી હતી. ફરજિયાત માસ્કનો નિયમ રદ કરવામાં આવે તેમ ઘણા તબીબોએ અને નિષ્ણાંતોએ સરકારને જણાવ્યુ છે પણ કોર કમિટીની છેલ્લી મળેલી બેઠકમાં કોરોના નિયમો સાવ હળવા કરી દેવાયા પણ માસ્કને લઈ કોઈ છૂટછાટ આપવામાં આવી ન નથી.