23માં પ્રેસિડન્ટ્સ કપમાં ગોલ્ડ મેડલ જીતીને મેરી કોમે ટ્વીટ કર્યુ કે, ''પ્રેસિડેન્ટ્સ કપમાં આ ગોલ્ડમેડલ મારા અને દેશ માટે છે. જીતવાનો અર્થ એ જ છે કે તમે આગળ વધી રહ્યા છો. તમે તનતોડ મહેનત કરી રહ્યાં છો. અન્ય કોઈની તુલનામાં વધારે મહેનત કરી રહ્યા છો. હું મારા તમામ કોચ, સહયોગી સ્ટાફ, કિરણ રિજિજૂ અને સાઈનો આભાર વ્યક્ત કરું છું.''
6 વખત વર્લ્ડ ચેમ્પિયન રહી ચૂકેલી મેરી કોમે વર્લ્ડ ચેમ્પિયનશિપમાં પહેલા પ્રેસિડન્ટ્સ કપમાં ગોલ્ડ મેડલ જીતીને પોતાનો દાવો મજબૂત કર્યો છે. આ પહેલા મેરી કોમે મેમાં થયેલી ઇન્ડિયા ઑપનમાં ગોલ્ડ મેડલ જીત્યા હતો.
મેરી કોમે તે પછી એશિયન ચેમ્પિયનશિપમાં ભાગ લીધો ન હતો. સપ્ટેમ્બરમાં થનારી વર્લ્ડ ચેમ્પિયનશિપ પહેલા પોતાની તૈયારીઓ જોવા માટે મેરી કોમ પ્રેસિડન્ટ્સ કપમાં ઉતરી હતી.
વુમન્સ વર્લ્ડ બોક્સિંગ ચેમ્પિયનશીપ 7 સપ્ટેમ્બરથી 21 સપ્ટેમ્બર સુધી રશિયામાં યોજાશે. મેરીકોમની નજર 2020 ટોકિયો ઓલમ્પિકમાં ક્વોલિફાઈ કરવા પર હશે.