સિદ્ધિ / મેરી કૉમ બની એશિયાની બેસ્ટ મહિલા એથલીટ, 36ની ઉંમરમાં પણ હિટ

36 વર્ષની મેરીકૉમ એકમાત્ર મહિલા બોક્સર છે, જેમણે વર્લ્ડ ચેમ્પિયનશિપમાં 7 મેડલ જીત્યા છે. સૌથી મોટી વાત એ છે કે ત્રણ બાળકોની માતા એમસી મેરી કૉમ 36 વર્ષની ઉંમરમાં પણ હિટ અને ફિટ છે. ખાસ કરીને આ ઉંમરે ખેલાડી પોતાના કરિયરને અલવિદા કહી દેતા હોય છે. પરંતુ મેરીકૉમે પોતાની ફિટનેસથી તમામ મુશ્કેલીને સરળ બનાવી દીધી છે. 

36 વર્ષની ઉંમરમાં પણ બોક્સિંગ રિંગની અંદર મેરીકૉમની ફિટનેસ અને તેજી જોવાલાયક છે. વિરોધીઓ પર મેરીકૉમ મુક્કાનો વરસાદ કરે છે અને એટલી જ ઝડપે ખુદને તેમના પ્રહારોથી બચાવે છે. 

ગોલ્ડ મેડલોની ચમક હાંસલ કરવા માટે મેરીકૉમ તનતોડ મહેનત કરે છે. તે પૂર્ણ શિસ્તબદ્ધ રીતે બોક્સિંગની ટ્રેનિંગ લે છે. મેરીકૉમને 'સુપરમોમ'ના નામથી પણ ઓળખવામાં આવે છે.