ભારતીય કેપ્ટન વિરાટ કોહલી તેમની શાનદાર બેટિંગ માટે જગતમાં પ્રખ્યાત છે પરંતુ કોહલી બેટિંગની સાથે સાથે ફિલ્ડીંગ પણ ખુબ સારી કરે છે. આજે ઓસ્ટ્રેલિયા વિરુદ્ધની મેચમાં વિરાટ કોહલીએ પોતાની કળાનું પ્રદર્શન કરી શાનાદાર કેચ પકડ્યો જે બાદ ઓસ્ટ્રેલીયન બેટ્સમેન પણ અચંભિત રહી ગયા હતા.
રવીન્દ્ર જાડેજાની બોલ પર લાબુશાને કેચ પકડ્યો
ઓસ્ટ્રેલિયા ટોસ જીતી કરી હતી બેટિંગ
કોહલીના આ કેચ બાદ પ્રેક્ષકોએ ઉભા થઇ કર્યું અભિવાદન
કોહલીએ ત્વરિત રિસ્પોન્સ કર્યું અને જંપ મારીને શાનદાર કેચ પકડ્યો
ભારત અને ઓસ્ટ્રેલિયા વચ્ચે ચાલી રહેલી સીરીઝની અંતિમ મેચ ચિન્નાસ્વામી સ્ટેડીયમમાં રમી રહી છે જે દરમિયાન વિરાટ કોહલીએ શાનદાર કેચ પકડ્યો અને માર્નસ લાબુશાનેને ઘરભેગો કર્યો. લાબુશાનેએ 54 રન બનાવ્યા હતા. 32મી ઓવર ચાલી રહી હતી તે દરમિયાન રવીન્દ્ર જાડેજાની બોલ પર લાબુશાને કવર ડ્રાઈવ રમ્યા. વિરાટ કોહલીએ ત્વરિત રિસ્પોન્સ કર્યું અને જંપ મારીને શાનદાર કેચ પકડ્યો.
કરિયરની ત્રીજી વનડે રમી રહેલ લાબુશાને પહેલી હાફ સેન્ચુરી લગાવી. મુંબઈમાં તેમણે બેટિંગ ન હતી કરી અને રાજકોટમાં 46 રન બનાવ્યા હતા. આજે ટીમ ખરાબ સમયથી પસાર થઇ રહી હતી તે દરમિયાન લાબુશાને પૂર્વ કેપ્ટન સ્ટીવ સ્મિથ સાથે મળીને મોરચો સંભાળ્યો અને 127 રનની પાર્ટનરશીપ કરી.
કોહલીએ કેચ પકડ્યા બાદ લોકોએ ટોપી ઉતારીને અભિવાદન કર્યું. ફિલ્ડીંગ કોચ એસ. શ્રીધર પણ જાણે ગદગદ થઇ ગયા હોય તેમ પોતે લાંબા સમય સુધી તાલી વગાડતાં રહ્યા. ગઈ મેચમાં આવો જ એક કેચ પાંડેએ કર્યો હતો આવો જ કેચ કર્યો હતો. રાજકોટમાં ગઈ વનડે મેચમાં મનીષ પાંડેએ ડેવિડ વોર્નરનો એક કેચ પકડ્યો હતો. શમીની બોલ પર વોર્નરનો કેચ પકડ્યો હતો.