Maruti Suzuki એ તાજેતરમાં કેટલાક ફેરફારની સાથે અર્ટિંગા પર આધારિત પ્રીમિયમ એમપીવી XL6 લૉન્ચ કરી છે. WagonR ના પ્રીમિયમ મૉડમાં પણ આ પ્રકારના ફેરફાર જોવા મળ્યા છે.
Maruti Suzuki પોતાની જાણીતી કાર WagonRનું પ્રીમિયમ મૉડલ લાવવાની તૈયારીમાં છે. આ કારને તાજેતરમાં જ ટેસ્ટિંગ દરમિયાન જોવા મળી હતી. રિપોર્ટ્સમાં કહેવામાં આવ્યું છે કે પ્રીમિયમ Maruti WagonR ને Maruti XL5 નામથી લૉન્ચ કરવામાં આવશે અને એનું વેંચાણ કંપનીની પ્રીમિયમ ડીલરશિપ નેક્સા સાથે થશે. લીક થયેલા ફોટાથી મારૂતિની આ નવી કારની ઘણી ડિટેલ સામે આવી છે.
Maruti WagonRના સ્ટાન્ડર્ડ મૉડલની સરખામણીએ પ્રીમિયમ મૉડલમાં પ્રમુખ ફેરફાર એના ફ્રંટમાં જોવા મળશે. નવા મૉડલમાં નવી ડિઝાઇનની ગ્રિલ, નવા હેડલેમ્પ, નવા બમ્પર અને એલઇડી ડેટાઇમ રનિંગ લાઇટ્સ હશે. એમાં પ્રોજેક્ટર હેડલેમ્પ અને આશરે 180mm નું ગ્રાઉન્ડ ક્લિયરન્સ આપવામાં આવે એવી શક્યતા છે.
લીક થયેલા ફોટાથી સ્પષ્ટ થાય છે કે વેગનઆરના પ્રીમિયમ મૉડલમાં પાછળની તરફ એલઇડી ટેલલેમ્પ અને હાઇ માઉન્ટેડ એલઇડી સ્ટૉપ લેમ્પ મળશે. પાછળની તરફ ડિઝાઇનમાં કોઇ ફેરફાર જોવા મળશે નહી, એટલે કે એનું રિયર લુક સ્ટાન્ડર્ડ વેગનઆર જેવું જ હશે. નવી કારનું ઇન્ટિરીયર મારૂતિની પ્રીમિયમ એમપીવી XL6 ની જેમ બ્લેક કલરમાં આપવામાં આવે એવી શક્યતા છે. આ ઉપરાંત કેટલાક નવા ફીચર જોવા પણ મળી શકે છે.
એન્જીન
પ્રીમિયમ વેગનઆરમાં માત્ર 1.2 લીટર લીટર પેટ્રોલ એન્જીનમાં લૉન્ચ કરવામાં આવે એવી શક્યતા છે, જે બીએસ 6 એમિશન નૉર્મ્સના અનુરૂપ છે. તો બીજી બાજુ વેગનઆરનું સ્ટાન્ડર્ડ મૉડલ 1 લીટર અને 1.2 લીટર પેટ્રોલ એન્જીન વિકલ્પ સાથે આવે છે. પ્રીમિયમ મૉડલની સાથે પણ 5 સ્પીડ મેન્યુઅલ અને 5 સ્પીડ એએમટીના વિકલ્પ મળશે.
XL6 જેવી હશે થીમ
જણાવી દઇએ કે તાજેતરમાં મારૂતિ સુઝુકીએ કેટલાક ફેરફારોની સાથે અર્ટિગા પર આધારિત પ્રીમિયમ એમપીવી XL6 લૉન્ચ કરી છે. અર્ટિંગાની સરખામણીએ XL6 નું ફ્રંટ લુક બિલકુલ અલગ છે, જ્યારે પાછળથી ઘણી બધી રીતે અર્ટિગા જેવી લાગે છે. આ 6 સીટ વાળી એમપીવી છે, જ્યારે અર્ટિગા 7 સીટર છે. એક્સએલ 6 ની કેબિન સમગ્ર રીતે બ્લેક કલરમાં છે, જે પ્રીમિયમ ફીલ આપે છે. વેગનઆરના પ્રીમિયમ મૉડલમાં પણ આ પ્રકારના ફેરફાર જોવા મળશે.