નવું વર્ષ શરૂ થવાને હવે ગણતરીના દિવસો બાકી રહ્યાં છે. ત્યારે આ સમયે કાર નિર્માતા કંપનીઓ ગ્રાહકોને આકર્ષવા માટે નવી નવી ઓફર તો લાવી જ રહી છે, સાથે નવા વર્ષની શરૂઆતમાં કેટલીક કંપનીઓ નવી કાર પણ લોન્ચ કરવા જઈ રહી છે. જો તમે તમારી જૂની કારને રિપ્લેસ કરવા માંગો છો તો થોડું રોકાઈ જાઓ. 2021માં તમારા માટે ઘણી સારી કાર લોન્ચ થવાની છે. જે લો બજેટ હોવાની સાથે લેટેસ્ટ ફીચર્સ સાથે આવશે. એવામાં તમે 5 લાખ રૂપિયા સુધીના બજેટમાં આ કાર ઘરે લાવી શકો છો.
ઈન્ડિયામાં કારની વધતી ડિમાન્ડને જોતા હ્યુન્ડાઈ પણ નાની અને કોમ્પેક્ટ કારના સેગ્મેન્ટમાં પાછળ રહેવા માંગતી નથી. જેથી કંપની આગામી વર્ષે માઇક્રો એસયુવી લોન્ચ કરી શકે છે. જેનું નામ હ્યુન્ડાઈ AX છે. આ કાર સેન્ટ્રો પ્લેટફોર્મ પર આધારિત હોઇ શકે છે. આ કારની ટક્કર ટાટાની HBX અને નિસાનની Magnite સાથે થશે. કારની કિંમત 4 થી 6 લાખ વચ્ચે હોઇ શકે છે.
Renault Kiger
ફ્રાંસની કાર કપંની રેનો પણ ભારતમાં નાની કારના સેગમેન્ટમાં પોતાની બ્રાન્ડ બનાવવા માંગે છે. રેનોની ટ્રાઇબર સૌથી ઓછી રેન્જની 7 સીટર કારમાં પોતાની ઓળખ બનાવી ચૂકી છે. સસ્તી કારના સેગમેન્ટમાં હવે રેનો નવી કાર Kiger લોન્ચ કરશે. આ સબ કોમ્પેક્ટ એસયુવી હશે. આ કારની હ્યુન્ડાઈની વેન્યુ, કિયા સોનેટ અને ટાટા નેક્સનને ટક્કરની સાથે ટક્કર થશે. આ કારની કિંમત 6 લાખથી શરૂ થશે.
Maruti Suzuki Alto (ન્યૂ જનરેશન)
ભારતની સૌથી ટોપ કાર કંપની મારુતિ સુઝુકી નાના કારના સેગમેન્ટમાં સૌથી આગળ છે અને આ કંપની ટૂંક સમયમાં તેની એન્ટ્રી લેવલની કાર અલ્ટોની ન્યૂ જનરેશન માર્કેટમાં લોન્ચ કરશે. ઓછાં બજેટની કારમાં અલ્ટો સૌથી વધુ વેચાઈ છે. 2021માં મારુતિ અલ્ટોનું નવું મોડલ લઈને આવશે. નવા મોડલમાં સ્માર્ટફોન કનેક્ટિવિટીની સાથે ટચસ્ક્રીન જેવા ફીચર આવી શકે છે. કારની કિંમત 3.50 લાખથી 5 લાખ વચ્ચે હોઇ શકે છે.
Tata HBX
દેશની ટોપ કાર કંપનીમાં સામેલ ટાટા પણ આગામી વર્ષે વધુ એક નાની કાર લોન્ચ કરી શકે છે. ટાટાની આ કારનું નામ ટાટા એચબીએક્સ છે અને તે માઇક્રો એસયુવી કાર હશે. કંપની આ કારને ઓટો એક્સપોમાં રજૂ કરી ચુકી છે. આ એન્ટ્રી લેવલ માઈક્રો એસયૂવી 2021માં લોન્ચ થશે. આ કાર આલ્ફા મોડ્યૂલર પ્લેટફોર્મ પર આધારિત હશે. આ કારની કિંમત 4 થી 6 લાખ વચ્ચે હશે.
Nissan Magnite
કોમ્પેક્ટ કારોમાં જાપાનની કંપની નિસાન ટૂંક સમયમાં તેની એક કાર લોન્ચ કરશે, જેનું નામ છે Magnite. આ સબ કોમ્પેક્ટ એસયુવી હશે. આ કાર રેનો ટ્રાઇબર અને Kigerના પ્લેટફોર્મ પર તૈયાર કરાશે. આ કારની કિંમત 5.25 લાખથી શરૂ થશે અને કિંમતના કારણે આ કાર તેના સેગમેન્ટમાં ઘણી લોકપ્રિય થઈ શકે છે.