જો તમે કાર ખરીદવાનો પ્લાન બનાવી રહ્યાં છો તો આ ફેસ્ટિવ સીઝનમાં તમે મારૂતિ સુઝુકીની બેસ્ટ સેલિંગ કારોમાંથી એક વેગનઆર ખરીદી શકો છો. જો તમને વધુ માઈલેજવાળી કાર જોઈએ તો વેગનઆર બેસ્ટ ઓપ્શન છે. આ કાર એક કિલો સીએનજી પર 32 કિલોમીટર એવરેજ આપે છે. સેફ્ટી મામલે પણ આ કાર ઘણી જ શાનદાર છે. એન્ટી-બ્રેક સિસ્ટમ અને ડ્યુઅલ ફ્રંટ એરબેગ્સની સાથે આ કાર ડ્રાઈવિંગનો શાનદાર અનુભવ આપવાની સાથે સુરક્ષા પણ આપે છએ.
મારૂતિ સુઝુકીની વેગનઆર છે બેસ્ટ
એક કિલો સીએનજી પર 32 કિલોમીટર એવરેજ આપે છે
સેફ્ટી મામલે પણ આ કાર ઘણી જ શાનદાર છે
આ કારમાં તમે લાંબી યાત્રા પર નીકળી શકો છો. એન્ટી લોક બ્રેકિંગ સિસ્ટમ સ્ટાન્ડર્ડ આ કારમાં આપવામાં આવ્યા છે. ડ્યુઅલ એરબેગ્સને બધાં જ વેરિઅન્ટમાં ઓપ્શનલ રાખવામાં આવ્યું છે. નવા હાર્ટટેક પ્લેટફોર્મ પર બનવાને કારણે આ પહેલાં કરતા વધુ મજબૂત છે. કંપનીના જણાવ્યા પ્રમાણે અત્યાર સુધી નવી વેગનઆરના 3 લાખ યૂનિટ્સ વેચાઈ ગયા છે. જ્યારે નવું વર્ઝન કંપનીએ 2019માં લોન્ચ કર્યું હતું. જેની દિલ્હી એક્સ શોરૂમ કિંમત 445000 રૂપિયાથી શરૂ થાય છે.
તમને જણાવી દઈએ કે, આ કાર મારૂતિ સુઝુકીની સૌથી વધુ વેચાનાર કારોમાંથી એક છે. સપ્ટેમ્બર મહિનામાં સૌથી વધુ વેચાતી ટોપ 10 કારોમાં વેગનઆર ચોથા નંબર પર હતી. સપ્ટેમ્બરમાં વેગનઆરની 17,581 યૂનિટ્સ વેચાઈ હતી. ખાસ કરીને એન્ટ્રી લેવલ કાર ખરીદનારા ગ્રાહકો માટે આ કાર બેસ્ટ છે.
વેગનાઆરના જૂના વર્ઝનની તુલનામાં નવી કારની લંબાઈ અને પહોળાઈ વધતતા તેનું કેબિન સ્પેસ પણ વધી ગયું છે. એન્જિનમાં સૌથી મહત્વનો બદલાવ કરવામાં આવ્યો છે. તે પહેલાં કરતાં વધુ પાવરફુલ છે. કારમાં થોડી ખામીઓ પણ છે. તેની રિયર સીટ આજે પણ જૂની કાર જેવી જ છે, જેમાં થોડી ખામીઓ રહી ગઈ છે. એવું કહી શકાય કે વેગનઆર તેની સાથેની કારને પડકાર આપી રહી છે. કંપનીએ તેની કિંમતમાં ખાસ કોઈ વધારો કર્યો નથી. એવામાં આ કાર એક બેસ્ટ પેકેજ સાબિત થઈ શકે છે.