તમારા કામનું / આ દિવાળી ઘરે લઈ આવો સપનાની કાર! તમારા બજેટમાં મળી જશે બેસ્ટ માઈલેજ આપતી આ 7 કાર

• CNG સેગમેન્ટમાં મારૂતિ સૌથી આગળ 
• તમારા બજેટમાં ઘરે લઈ આવો કાર 
• જાણો બેસ્ટ માઈલેજ આપતી કાર વિશે 

જો તમે આ દિવાળી CNG કાર ખરીદવાનો પ્લાન બનાવી રહ્યા છો પરંતુ બજેટ ઓછુ હોવાના કારણે નથી ખરીદી શકતા તો તમે ખૂબ જ ઓછી કિંમતોમાં આ CNG કાર પોતાના માટે પરંદ કરી શકો છો. ભારતીય બજારમાં ઘણી સસ્તી CNG કાર ઉપલબ્ધ છે. જે માઈલેજમાં દમદાર છે. એક કિલો સીએનજીમાં 30 કિમીથી વધારેની મુસાફરી કરી શકાય છે. 

આમ તો CNG સેગમેન્ટમાં મારૂતિ સુઝુકી સૌથી આગળ છે. મારૂતિની પાસે અડધો ડઝનથી વધારે CNG કાર છે. Hyundai અને ટાટાની પણ ઘણી ગાડીઓ CNG મોડલમાં છે. આવો જાણીએ કે 5થી 7 લાખના બજેટમાં કઈ કઈ સારા માઈલેજ વાળી CNG કારો ખરીદી શકાય છે. 

મારૂતિ સુઝુકી સેલેરિયો 
CNG કારોમાં Maruti Suzuki Indiaનો દબદબો છે. તેમાં પણ તેનું સૌથી પોપ્યુલર મોડલ Maruti Celerio છે. નવી સેલેરિયોમાં નવા K10C ડુઅલજેટ 1.0- લીટર થ્રી- સિલિન્ડર પેટ્રોલ એન્જિન આપ્યું છે. સેલેરિયો દેશમાં સૌથી વધારે માઈલેજ આપતી પેટ્રોલ કાર હોવાની સાથે સાથે સીએનજી કાર પણ છે. આ એક કિલોગ્રામ સીએનજીમાં 35.60 કિમીની માઈલેજ આપે છે. સેલેરિયોની એક્સ-શોરૂમ કિંમત 5.25થી 7 લાખ રૂપિયાની વચ્ચે છે. 

મારૂતિ સુઝૂકી વેગનઆર 
આમ તો વેગનઆર મારૂતિની સૌથી વધારે વેચાતી કાર છે. આ એક કિલોગ્રામ સીએનજીમાં 34.05 કિમીની માઈલેજ આપે છે. તેની કિંમત 6.34 લાખ રૂપિયાથી શરૂ થાય છે. મારૂતિની વેગનઆર હેચબેક 1.0 લીટર અને 1.2 લીટર પેટ્રોલ એન્જિનની સાથે આવે છે. તેમાં પહેલાની તુલનામાં વધારે સેફ્ટી ફિચર્સ આપવામાં આવ્યા છે. 

મારૂતિ સુઝૂકી ડિઝાયર 
જો તમે CNGમાં સેડાન લુક વાળી કાર ખરીદવા માંગો છો તો મારૂતિ સુઝૂકી ડિઝાયર ખરીદી શકો છો. આ બધી 4 મીટર કોમ્પેક્ટ સેડાન 31.12 કિમીની માઈલેજ આપે છે. તેમાં 1.2 લીટર K12C ડુઅલજેટ એન્જિન છે જે 76 બીએચપી અને 98.5 એનએમ ટાર્ડ જનરેટ કરે છે. તેના CNG વેરિએન્ટની કિંમત 8.22 લાખ રૂપિયાથી શરૂ થાય છે. 

ટાટા ટિયાગો સીએનજી 
ટાટા મોટર્સે આ વર્ષે પોતાની સીએનજી કાર ઈન્ડિયન માર્કેટમાં લોન્ચ કરી છે. તેમાંથી કંપની એક કાર Tata Tiago CNG માઈલેજમાં જબરદસ્ત છે. આ એક કિલોગ્રામ ગેસમાં 26 કિમીથી વધારે માઈલેજ આપે છે. તેની કિંમત 6.10 લાખ રૂપિયાથી શરૂ થાય છે. 

મારૂતિ સુઝૂકી એસ-પ્રેસો 
મારૂતિની એક કાર Maruti S-Presso CNG પણ માઈલેજમાં જબરદસ્ત છે. આ કિલોગ્રામ ગેસમાં 31.2 KMની માઈલેજ આપે છે. તેની કિંમત 5.38 લાખ રૂપિયાથી શરૂ થાય છે. 

હ્યુન્ડાઈ સેન્ટ્રો સીએનજી 
હ્યુન્ડાઈની એન્ટ્રી લેવલ કાર સેન્ટ્રો CNG સેગમેન્ટમાં એક બેસ્ટ વિકલ્પ છે. તેની એક્સ-શોરૂમની કિંમત 6.99 લાખ રૂપિયા છે. હ્યુન્ડાઈ સેન્ટ્રો એક કિલો CNGમાં 30.48 કિમી સુધી ચાલે છે. 

મારૂતિ સુઝૂકી સ્વિફ્ટ સીએનજી 
પોપ્યુલર હેચબેક કાર સ્વિફ્ટ પણ CNG વેરિએન્ટમાં ઉપલબ્ધ છે. મારૂતિ સ્વિફ્ટ સીએનજી VXIની કિંમત 7.77 લાખ રૂપિયા છે. ત્યાં જ મારૂતિ સ્વિફ્ટ ZXI સીએનજીની કિંમત 8.45 લાખ રૂપિયા છે. સ્વિફ્ટ સીએનજી વેરિએન્ટના પેટ્રોલ વેરિએન્ટના મુકાબલે 96,000 રૂપિયા વધારે છે. મારૂતિ સ્વિફ્ટમાં 1.2 લીટરનું કે-સીરીઝ ડુઅલજેટ, ડુઅલ વીવીટી એન્જિન ફિટ છે. કંપનીનો દાવો છે કે કાર એક કિલોગ્રામ સીએનજીમાં 30.90 કિમી સુધીની મુસાફરી કરી શકે છે.