પેસેન્જર વ્હિકલ સેગમેન્ટના વેચાણમાં ફેબ્રુઆરી 2020માં 11 ટકા અને કોમર્શિયલ વ્હિકલ સેગમેન્ટમાં કોવિડ પહેલાના સમયની સરખામણીમાં 16 ટકાનો વધારો થયો હતો
ફેબ્રુઆરીમાં જ મારુતિ સુઝુકીએ 41.40 ટકા બજાર હિસ્સો મેળવ્યો
ગ્રાન્ડ વિટારા, અર્ટિગા અને નવી 5-ડોર જિમ્ની માર્કેટમાં ખૂબ ડિમાન્ડમાં
ટાટા મોટર્સનું રિટેલ વેચાણ ફેબ્રુઆરી 2023માં 38,965 યુનિટ રહ્યું છે
ફેડરેશન ઓફ ઓટોમોબાઈલ ડીલર્સ એસોસિએશનએ ફેબ્રુઆરી 2023ના મહિનાના વેચાણના આંકડા જાહેર કર્યા છે. ટુ વ્હીલર અને થ્રી વ્હીલર વાહનોના વેચાણમાં પેસેન્જર વાહનો અને કોમર્શિયલ વાહનોના વેચાણમાં બે આંકડામાં વૃદ્ધિ જોવા મળી હતી. ખાસ કરીને પેસેન્જર વ્હિકલ સેગમેન્ટના વેચાણમાં ફેબ્રુઆરી 2020માં 11 ટકા અને કોમર્શિયલ વ્હિકલ સેગમેન્ટમાં કોવિડ પહેલાના સમયની સરખામણીમાં 16 ટકાનો વધારો થયો હતો. ફેબ્રુઆરી 2023માં કારના રિટેલ વેચાણમાં 10.99 ટકાથી વધીને 2,87,182 યૂનિટ થયું છે, જે ફેબ્રુઆરી 2022માં 2,58,736 યૂનિટ હતું.
મારુતિ સુઝુકી સૌથી આગળ
41 ટકા લોકો મારુતિની કાર ખરીદી રહ્યા છે. કારણ કે એકલા ફેબ્રુઆરીમાં જ મારુતિ સુઝુકીએ 41.40 ટકા બજાર હિસ્સો મેળવ્યો હતો. ફેબ્રુઆરી 2023માં 1,18,892 યૂનિટ્સનું વેચાણ થયું હતું, જે ફેબ્રુઆરી 2022માં 1,09,611 યુનિટ્સની તુલનામાં વધારે છે. જિમ્ની 5 ડોરની સાથે એસયૂવીનો વેચાણમાં દબદબો રહ્યો છે. મારુતિની ગ્રાન્ડ વિટારા, અર્ટિગા અને નવી 5-ડોર જિમ્ની માર્કેટમાં ખૂબ ડિમાન્ડમાં છે. આ ત્રણેય કારના 1 લાખથી વધુ ઓર્ડર હજુ પેન્ડિંગ છે.
હ્યુન્ડાઈ બીજા નંબર પર
ફેબ્રુઆરી 2022 માં વેચાયેલા 38,688 યૂનિટની તુલનામાં ગયા મહિને વેચાયેલ 39,106 યૂનિટ સાથે હ્યુન્ડાઈ બીજા સ્થાન પર રહ્યું છે. બજાર હિસ્સો 14.95 ટકાથી 13.62 ટકા ઘટી ગયો છે. હ્યુન્ડાઈ 21 માર્ચ 2023ના પોતાની 6ઠ્ઠી જનરેશનની વર્નાના લોન્ચ માટે તૈયાર છે.
ત્રીજા નંબર પર ટાટા
ટાટા મોટર્સનું રિટેલ વેચાણ ફેબ્રુઆરી 2023માં 38,965 યુનિટ રહ્યું, જે ફેબ્રુઆરી 2022માં વેચાયેલ 34,055 યુનિટથી વધારે હતું. ફેબ્રુઆરી 2022માં ટાટા મોટર્સે 5 મિલિયન (50 લાખ) પેસેન્જર વાહનોનું ઉત્પાદન કરવાનો માઈલસ્ટોન હાંસિલ કર્યો છે.
મહિંદ્રા અને કિઆ ઈન્ડિયાનું વેચાણ
મહિંદ્રા દ્વારા મહત્વપૂર્ણ રિટેલ વેચાણમાં વૃદ્ધિ નોંધવામાં આવી છે. ફેબ્રુઆરી 2023માં વેચાયેલ 18,264 યૂનિટ કરતા ફેબ્રુઆરી 2022માં વેચાણ વધી 29,356 યુનિટ થયું હતું. ફેબ્રુઆરી 2022 માં 7.06 ટકાથી છેલ્લા મહિનામાં બજાર હિસ્સો પણ વધીને 10.22 ટકા થયો હતો. ફેબ્રુઆરી 2023માં કિયા ઇન્ડિયાનું વેચાણ 19554 રહ્યું છે.
ફેબ્રુઆરી 2023 માં 12,068 યૂનિટનું છૂટક વેચાણ કર્યા બાદ ટોયોટા કિર્લોસ્કર મોટર્સે ફેબ્રુઆરી 2022 માં વેચાયેલા 8,019 યૂનિટથી વધુનો વધારો જોયો. સ્કોડા ગ્રુપના વેચાણ ફેબ્રુઆરી 2023માં6,859 યુનિટનો વધારો થયો છે, જે ગયા વર્ષે આ મહિનામાં 5,594 યુનિટનું વેચાણ થયું હતું. હોન્ડા કારનું રિટેલ વેચાણ દર વર્ષેના આધાર પર 8,284 યૂનિટથી ઘટીને 5,744 યુનિટ રહી ગયું છે.
રેનો ઈન્ડિયા ફેબ્રુઆરી 2023 માં છૂટક વેચાણ 4,916 યૂનિટ્સ સાથે ફેબ્રુઆરી 2022 માં વેચાયેલા 6,385 યૂનિટ સાથે બજાર હિસ્સો 2.47 ટકા YoYથી 1.71 ટકા ઘટી ગયો છે. જાન્યુઆરી 2022માં 3,568 યૂનિટથી ગત મહિને એમજી મોટર્સનું વેચાણ વધીને 3,604 યુનિટ થયું હતું. નિસાન ઈન્ડિયાએ પણ વેચાણમાં ઘટાડો નોંધાવ્યો છે. ફેબ્રુઆરી 2022 માં વેચાયેલા 3,172 એકમોની તુલનામાં ફેબ્રુઆરી 2023 માં ફક્ત 2,246 એકમોનું વેચાણ થયું હતું.
લક્ઝરી કારનુ રિટેલ સેલ્સ ફેબ્રુઆરી 2023 લક્ઝરી સેગમેન્ટમાં બીએમડબલ્યૂ ઇન્ડિયાને છોડી તમામ વાહનના વેચાણમાં વધારો થયો છે. ફેબ્રુઆરી 2022માં વેચાયેલી 1,038 યૂનિટની તુલનામાં ગત મહિને મર્સિડિઝનું વેચાણ 1,043 યુનિટ રહ્યું. બીએમડબલ્યુનું વેચાણ ફેબ્રુઆરી 2022માં વેચાયેલ 761 યૂનિટથી ઘટીને 610 રહી ગયું. જગુઆર લેન્ડ રોવરનું વેચાણ ફેબ્રુઆરી 2022માં 107 યુનિટથી વધીને 158 યુનિટ થયું હતું.