મારૂતિ સૂઝૂકીની સ્વિફટ દેશની સૌથી લોકપ્રિય કારમાંથી એક છે તેનું લેટેસ્ટ ન્યૂ જનરેશન મૉડલ તાજેતરમાં જ લોન્ચ કરવામાં આવ્યું છે અને લોન્ચ થતાંની સાથે જ રેકોર્ડ બનાવી દીધો છે. વાસ્તવમાં આ નવી સ્વિફ્ટ મૉડલની લોન્ચિંગના મહિનામાં જ 75000 વધારે લોકોએ પ્રી-બુક કરાવી દીધી છે. આ મૉડલની બુકિંગની શરૂઆત 18 જાન્યુઆરી થઇ ગઇ છે.
આ પહેલા મારૂતિ ડિઝાયરના નામે સૌથી ઓછા સમયમાં સૌથી વધારે યૂનિટ્સ બુકિંગનો રેકોર્ડ છે. 12-14 અઠવાડિયામાં જ આ કૉમ્પેક્ટ સિડાનના 1 લાખ યુનિટ બુક થયા હતા.
મારુતિની આ થર્ડ જનરેશન સ્વીફટમાં કુલ 12 વેરિયંટ્સ છે. આમાં 6 પેટ્રોલ અને 6 ડીઝલ વેરિયંટ છે. VXI VDI ZXI અને ZDI વેરિયંટ્સમાં નવું ઓટોમેટેડ મેન્યુઅલ ટ્રાંસમિશન ગિયરબોક્સ છે. આમાં 1.2 લીટરનું એંજિન છે જે 6 000 RPM પર 83 BHPનો પાવર અને 4 000 RPM પર 74 BHPનો પાવર અને 2 000 RPM પર 115 ન્યૂટન મીટર ટોર્ક જનરેટ કરે છે. 5 સ્પીડ મેન્યુઅલની સાથે જ AMT ગિયરબોક્સનું ઓપ્શન પણ આપ્યું છે.
આ બેઝ મૉડલની કિંમત 4.99 લાખ રૂપિયાથી શરૂ થાય છે. જ્યારે ટૉપ મૉડલની કિંમત 8.29 લાખ રૂપિયા છે. આ નવી સ્વિફ્ટને 8 ફેબ્રુઆરીના ઑટો એક્સપો 2018માં લોન્ચ કરવામાં આવી હતી. પેટ્રોલ મૉડલ 22 કિલોમીટર પ્રતિ લીટરની માઇલેજ આપે છે. જ્યારે ડિઝલ મૉડલ 24.4 કિલોમીટર પ્રતિ લીટરની માઇલેજ આપે છે. નવી સ્વીફ્ટમાં ડ્યૂઅલ એરબેગ એંટી લોક બ્રેકિંગ સિસ્ટમ(ABS) EBD બ્રેક અસિસ્ટ જેવા ફીચર્સ આપવામાં આવ્યા છે.