મહામારી / દેશની સૌથી મોટી ઓટો કંપનીએ ઓક્સિજન પહોંચાડવા કર્યું એવું કામ કે જાણીને કરશો સલામ

• મારુતી સુઝુકી દેશની સૌથી મોટી ઓટો કંપની 
• 1 થી 9 મે સુધી પ્લાન્ટ બંધ રાખશે
• હરિયાણા અને ગુજરાતના પ્લાન્ટ બંધ રાખશે
• બન્ને પ્લાન્ટમાં ઓક્સિજન બનાવશે

9 દિવસ સુધી પ્લાન્ટ બંધ રાખીને તેમાં ઓક્સિજન બનાવવાના મારુતુ સુઝુકીના નિર્ણય ખૂબ જ પ્રશંસાપાત્ર છે. કદાચ પહેલી વાર કોઈ ઓટો  મેકર કંપનીએ ઓક્સિજન બનાવવા માટે તેના પ્લાન્ટ બંધ રાખવાની જાહેરાત કરી છે. 

ઓક્સિજન બનાવીને હોસ્પિટલો સુધી પહોંચતો કરશે

મારુતી સુઝુકી હરિયાણાના તેના પ્લાન્ટ બંધ કરીને તેમાં ઓક્સિજન બનાવશે અને દેશની હોસ્પિટલો સુધી પહોંચતો કરશે. કંપનીએ સ્ટોક એક્સચેન્જ ફાઈલિંગમાં તેના પ્લાન્ટ બંધ કરવાની માહિતી આપી છે. હરિયાણાની ઉપરાંત ગુજરાતના પ્લાન્ટ પણ બંધ કરવાનો નિર્ણય લેવાયો છે. 

1 મે થી 9 સુધી હરિયાણા અને ગુજરાતના પ્લાન્ટ બંધ રહેશે
મારુતી સુઝુકી 1 મે થી 9 સુધી હરિયાણા અને ગુજરાતના તેના પ્લાન્ટ બંધ રાખશે અને આ સમય દરમિયાન પ્લાન્ટમાં ઓક્સિજન બનાવશે. કંપનીએ એવું પણ જાહેર કર્યું છે કે લોકોના જીવન બચાવવા માટે ઓક્સિજન ડિલિવર કરવા તથા સરકારની પડખે ઊભા કરવા અમે કટિબદ્ધ છીએ.

લોકોના જીવન બચાવવા ઓક્સિજન બનાવવો છે-મારુતુ સુઝુકી 

મારુતી સુઝુકીએ એક પ્રેસ રીલિઝમાં કહ્યું કે કાર મેન્યુફેક્ચરીંગ પ્રોસેસના ભાગરુપે મારુતી સુઝુકી તેની ફેક્ટરીઓમાં ખૂબ ઓછી માત્રામાં ઓક્સિજનનો ઉપયોગ કરે છે જ્યારે સ્પેર સ્પાર્ટ્સના ઉત્પાદકો દ્વારા મોટા પ્રમાણમાં ઓક્સિજનનો ઉપયોગ કરાય છે. કંપનીના એક અધિકારીએ કહ્યું કે અમારુ માનવું છે કે તમામ ઉપલબ્ધ ઓક્સિજનનો ઉપયોગ લોકોના જીવ બચાવવા માટે કરવો જોઈએ. ગુજરાતની સુઝુકી મોટરે પણ તેની ફેક્ટરી બંધ રાખવાનો નિર્ણય કર્યો છે અને ફેક્ટરી બંધ રાખવાના નિર્ણયની જાણ કંપનીને કરી દેવાઈ છે.