ઉત્પાદન / 8 મહિના પછી દેશની આ મોટી કાર કંપનીએ પ્રોડક્શનમાં રેકોર્ડ બનાવ્યો

• કંપનીનાં એક માત્ર કોમર્શિયલ વાહન સુપર કેરીનાં ઉત્પાદનમાં 53.03 ટકાનાં વધારા સાથે કુલ 2750 યુનિટનું ઉત્પાદન કરવામાં આવ્યું 
• સ્વીફ્ટ, બલેનો, ઇગ્નીસ જેવી કાર પર 18.83 ટકા વધુ ઉત્પાદન થયું

કંપની દ્વારા ઓક્ટોબર મહિનામાં ઉત્પાદનમાં કાપ મુકવામાં આવ્યો હતો

ભારતની સૌથી મોટી કાર બનાવતી કંપનીએ આ વર્ષે નવેમ્બરમાં 141,834 યુનિટનું ઉત્પાદન કર્યું છે. જ્યારે ગયા વર્ષે આ જ મહિનામાં કંપની દ્વારા 135,946 યુનિટ ઉત્પાદન કરવામાં આવ્યું હતું. જોકે કંપની દ્વારા ઓક્ટોબર મહિનામાં ઉત્પાદનમાં કાપ મુકવામાં આવ્યો હતો. ગયા વર્ષે ઓક્ટોબરમાં કંપની દ્વારા 150,497 યુનિટના ઉત્પાદન સામે આ વર્ષે 20.70 ટકા ઓછું 119,337 યુનિટનું ઉત્પાદન કરવામાં આવ્યું હતું.

Vitara Brezza અને Swift જેવી કાર પર 1.5 લાખ સુધીનું ડિસ્કાઉન્ટ આપવામાં આવ્યું

તહેવારોની સીઝનમાં કંપની દ્વારા Vitara Brezza અને Swift જેવી કાર પર 1.5 લાખ સુધીનું ડિસ્કાઉન્ટ આપવામાં આવ્યું હતું. કોમ્પેક્ટ અને યુટીલીટી બંને પ્રકારની કારનાં ઉત્પાદનમાં વધારો જોવા મળ્યો છે. કોમ્પેક્ટ પ્રકારની કાર એટલે કે સ્વીફ્ટ, બલેનો, ઇગ્નીસ જેવી કાર પર 18.83 ટકા વધુ ઉત્પાદન થયું છે. અને પેસેન્જર વાહનમાં કુલ 3.67 ટકાનો વધારો જોવા મળ્યો છે. ગયા વર્ષે 134,149ની સામે આ વર્ષે પેસેન્જર વાહનમાં 139,084 યુનિટ ઉત્પાદન કરવામાં આવ્યું છે. 

મારુતિ સુઝુકી કંપનીનાં કારનાં વેચાણમાં આ વર્ષે ઓક્ટોબર મહિનામાં ગયા વર્ષ કરતાં 4.5 ટકાનો વધારો થયો

કંપનીનાં એક માત્ર કોમર્શિયલ વાહન સુપર કેરીનાં ઉત્પાદનમાં 53.03 ટકાનાં વધારા સાથે કુલ 2750 યુનિટનું ઉત્પાદન કરવામાં આવ્યું છે.  Vitara Brezza, S-Cross, Ertiga જેવી UV પ્રકારની કારનું ઉત્પાદન 18 ટકાથી વધ્યું છે. મારુતિ સુઝુકી કંપનીનાં કારનાં વેચાણમાં આ વર્ષે ઓક્ટોબર મહિનામાં ગયા વર્ષ કરતાં 4.5 ટકાનો વધારો થયો. ગયા વર્ષે ઓક્ટોબરમાં 146,766 યુનિટનું વેચાણ થયું હતું જયારે આ વર્ષે 153,435 યુનિટ વેચાણ કર્યું હતું. જોકે તે બાદ નવેમ્બરમાં વેચાણમાં ઘટાડો થતાં ડિસેમ્બર માટે ઉત્પાદન પર તેની અસર જોવા મળશે