આર્થિક મંદીના સમયમાંથી પસાર થયેલી Maruti Suzuki નું વેંચાણ વધારવા માટે ભારે ડિસ્કાઉન્ટ આપવાની તૈયારીમાં છે. કંપનીને આશા છે કે આ કારણથી લોકો કારની ખરીદી કરશે.
ઑટો સેક્ટરની સૌથી મોટી કંપની Maruti Suzuki મંદીના સમયમાંથી પસાર થઇ રહી છે. Maruti ની ગાડીઓના વેંચાણમાં સતત ઘટાડો થઇ રહ્યો છે. જો કે હવે કંપનીએ વેંચાણ વધારવા માટે ભારે ડિસ્કાઉન્ટ ઓફર આપવાની યોજના બનાવી છે. કંપનીને આશા છે કે તહેવારની સિઝનમાંલોકો ખરીદી કરવામાં રસ દાખવશે.
Maruti Suzuki ના એક્ઝીક્યૂટીવ ડિરેક્ટર ઑફ માર્કેટિંગ એન્ડ સેલ્સનું કહેવું છે કે અમે પ્રોડક્શનમાં ઘટાડો કર્યો છે. આ બજારની મંદીની અસર છે. હાલ આશા છે કે ડિસ્કાઉન્ટ ઓફર દ્વારા અમે વેંચાણમાં વધારો કરી શકીશું. રિપોર્ટ પ્રમાણે મારૂતિ સુઝુકીની S Cross ગાડીઓ પર 1.3 લાખ રૂપિયા સુધીનું ડિસ્કાઉન્ટ મળી રહ્યું છે. જ્યારે Ciaz અને Baleno પર ક્રમશ: 95 હજાર અને 85 હજાર રૂપિયા સુધીનું ડિસ્કાઉન્ટ મળશે. આ પ્રકારે Ignis પર 75 હજાર રૂપિયા સુધીનું ડિસ્કાઉન્ટ આપવામાં આવશે. અહીંયા જણાવી દઇએ કે ડિસ્કાઉન્ટ ઑફર શહેરના હિસાબથી બદલાઇ શકે છે.
મારૂતિ સુઝુકીએ પોતાના માનેસર અને ગુરુગ્રામના પ્લાન્ટને 7 અને 9 સપ્ટેમ્બરે બંધ રાખવાની જાહેરાત કરી છે. એટલે કે આ બંને દિવસ કંપનીમાં કોઇ પણ પ્રકારનું પ્રોડક્શન થશે નહીં. મારૂતિ તરફથી આ નિર્ણય એવા સમયે લેવામાં આવ્યો છે જ્યારે કંપનીની વેંચાણમાં સતત ઘટાડો થઇ રહ્યો છે. આ કારણથી પ્રોડક્શન પણ ઓછું કરવામાં આવી રહ્યું છે અને લોકોને છૂટા કરવામાં આવી રહ્યા છે. જણાવી દઇએ કે ઓગસ્ટ મહિનામાં મારૂતિ કારોનું વેંચાણ 32.7 ટકા ઘટાડીને 1,06,413 કરવામાં આવ્યું છે. જ્યારે ગત વર્ષે આ મહિનામાં કંપનીનું વેંચાણ 1,58,189 એકમ રહ્યું હતું.
પ્રોડક્શનમાં મોટો ઘટાડો
મારૂતિ સુઝુકીએ ઓગસ્ટમાં પોતાનું પ્રોડક્શન ઘટાડીને 33.99 ટકાનો ઘટાડો કર્યો છે. આ સતત સાતમો મહિનો છે, જ્યારે કંપનીએ પોતાના ઉત્પાદનમાં ઘટાડો કર્યો છે. મારૂતિનિ અલ્ટો, ન્યૂ વેગનાર, સેલેરિયો, ઇગ્નિસ, સ્વિફ્ટ, બલેનો અને ડિઝાયર સહિત મિની અને કોમ્પેક્ટ સેગમેન્ટની ગાડીઓનું પ્રોડક્શન એક વર્ષ પહેલાની સરખામણીએ ઓગસ્ટમાં 34.85 ટકા ઓછું થયું છે.