મારુતિ સુઝુકીએ મે 2022માં તેની લગભગ તમામ કાર પર જોરદાર ઑફર્સ આપી છે અને જે ગ્રાહકો આ મહિને નવી કાર ખરીદવાનું વિચારી રહ્યા છે તેઓ રૂ. 31,000 સુધીનો લાભ મેળવી શકે છે.
કાર ખરીદવાનું વિચારી રહ્યા છો તો વાંચી લેજો
મારૂતિ આપી રહી છે જોરદાર ઓફર
જાણો તેના વિશે
મારુતિ સુઝુકીએ મે 2022માં એરેના લાઇન-અપમાં તમામ કાર પર રૂ. 31,000 સુધીની ઓફર આપી છે. આ ઑફર્સમાં કેશ ડિસ્કાઉન્ટ, કૉર્પોરેટ બેનેફિટ્સ અને એક્સચેન્જ ઑફર્સનો સમાવેશ થાય છે.
તમને જણાવી દઈએ કે મારુતિ સુઝુકી પેટ્રોલથી ચાલતી કાર પર આ બધી ઑફર્સ આપી છે. CNG મૉડલ પર ગ્રાહકોને કોઈ ફાયદો થયો નથી. કંપનીએ જે કાર પર ડિસ્કાઉન્ટ આપ્યું છે તેમાં WagonR, Alto, S-Presso, Swift, Dzire, Celerio અને Vitara Brezza સામેલ છે.
મારુતિ સુઝુકી WagonR
કંપનીએ હાલમાં જ ગ્રાહકોની મનપસંદ WagonRનું 2022 મોડલ લોન્ચ કર્યું છે. જે નવા ફીચર્સ અને નવા રંગોના ઓપ્શન્સમાં લોન્ચ કરવામાં આવ્યું છે. જોકે, કંપનીએ કારના જૂના મોડલ પર સ્ટોક ક્લિયર કરવા માટે રૂ. 31,000 સુધીની ઓફર આપી છે. કારના 1.2-લિટર એન્જિન મૉડલ પર 21,000 રૂપિયા અને 1.0-લિટર એન્જિન મૉડલ પર 31,000 રૂપિયા સુધીના લાભો આપવામાં આવ્યા છે.
મારુતિ સુઝુકી અલ્ટો
તે લાંબા સમયથી કંપનીની સૌથી વધુ વેચાતી કાર છે અને મારુતિ સુઝુકી લગભગ 20 વર્ષથી આ સસ્તી હેચબેક કારનું વેચાણ કરી રહી છે. ગ્રાહકો આ પૈસા વસુલ કાર પર રૂ. 24,000 સુધીના લાભો મેળવી શકે છે, જ્યારે Altoના બેઝ STD વેરિઅન્ટમાં રૂ. 11,000 સુધીનો ફાયદો મળી રહ્યો છે.
મારુતિ સુઝુકી એસ-પ્રેસો
કંપનીની આ કાર શ્રેષ્ઠ ફિચર્સથી સજ્જ છે અને ગ્રાહકોમાં તેને ખૂબ પસંદ કરવામાં આવી છે. S-Presso સાથે 31,000 રૂપિયા સુધીની મહત્તમ ઑફર્સ આપવામાં આવી છે. જે કારના સ્ટાન્ડર્ડ વેરિઅન્ટ પર આપવામાં આવી રહી છે. મારુતિ સુઝુકીએ S-Pressoના AMT વેરિઅન્ટ પર રૂ. 16,000 સુધીની ઑફર્સ ઉપલબ્ધ કરાવી છે.
મારુતિ સુઝુકી સ્વિફ્ટ
મારુતિ સુઝુકી સ્વિફ્ટ ગ્રાહકોની મનપસંદ કારોમાંની એક છે. ઘણી બધી સુવિધાઓ સાથે આવે છે અને તેની કિંમત અનુસાર તે એક પૈસા વસુલ હેચબેક કાર છે. કંપનીએ આ કાર પર 25,000 રૂપિયા સુધીની કુલ ઑફર્સ આપી છે. જ્યારે તેના AMT વેરિઅન્ટને 17,000 રૂપિયા સુધીના ડિસ્કાઉન્ટ સાથે ઉપલબ્ધ કરાવવામાં આવ્યું છે.
મારુતિ સુઝુકી ડિઝાયર
ટેક્સી ક્વોટાની શાન મારૂતિ સુઝુકી ડિઝાયર પર્સનલ સ્પેસમાં પણ ખૂબ પસંદ કરવામાં આવી રહી છે. કંપનીની સૌથી વધુ વેચાતી કારમાં પણ આનો સમાવેશ થાય છે. મારુતિ સુઝુકીએ આ સેડાન પર કુલ 22,000 રૂપિયા સુધીનું ડિસ્કાઉન્ટ આપ્યું છે. જે મેન્યુઅલ વેરિઅન્ટ પર આપવામાં આવી રહ્યું છે. કારના AMT વેરિઅન્ટને કુલ 17,000 રૂપિયા સુધીના લાભ સાથે ઉપલબ્ધ કરાવવામાં આવ્યું છે.
મારુતિ સુઝુકી સેલેરિયો
મારુતિ સુઝુકીએ તાજેતરમાં ભારતીય બજારમાં સેલેરિયોની નવી જનરેશન લૉન્ચ કરી છે, જે અગાઉના મૉડલની સરખામણીમાં સંપૂર્ણપણે બદલાઈ ગઈ છે. તેનું વેચાણ શરૂ થયાને માત્ર 2 મહિના થયા છે અને હવે કંપની આ કાર પર 26,000 રૂપિયા સુધીની ઓફર આપી છે. આ ડિસ્કાઉન્ટ એએમટી સહિત તમામ વેરિઅન્ટ્સ પર આપવામાં આવી રહ્યું છે.
મારુતિ સુઝુકી વિટારા બ્રેઝા
મારુતિ સુઝુકી ખૂબ જ ટૂંક સમયમાં બજારમાં નવી 2022 વિટારા બ્રેઝા લોન્ચ કરવા માટે તૈયાર છે અને તે પહેલાં સ્ટોક ક્લિયર કરવા માટે કંપનીએ તેના પર કુલ રૂ. 22,000 સુધીનું ડિસ્કાઉન્ટ આપ્યું છે. આ પણ કંપની તરફથી વેલ્યુ ફોર મની એસયુવી છે અને તે ઘણું વેચાય છે.