તહેવારોની શરૂઆત થવાની તૈયારી છે, અલગ-અલગ સેક્ટરની કંપનીઓ પોતાના કસ્ટમર્સને આકર્ષવા માટે તૈયાર છે. આ જ દરમિયાન સુઝુકી મોટરસાઇટલ ઇન્ડિયા પ્રાઇવેટ લમિટિડે એક ખાસ ઑફર લોન્ચ કરી છે, આ ઑફર હેઠળ ગ્રાહકોને સોનાના સિક્કા સહિત સ્વિફ્ટ કાર જીતવાનો મૌકો મળશે.
વાસ્તવમાં આ ઑફર સુઝુકીના 2 વ્હીલર ખરીદવા પર મળી રહી છે. કંપનીની વેબસાઇટ અનુસાર, 2 વ્હીલક ખરીદવા પર ઇનામમાં સોનાના સિક્કાથી લઇને મારૂતિ સુઝુકી સ્વિફ્ટ કાર મળી શકે છે.
આ નવી ઑફર હેઠળ બાઇક કે અન્ય 2 વ્હીલર ખરીદવા પર સોનાના સિક્કા 1, 3 અને 5 ગ્રામના 22 કેરેટના મળી શકે છે. તો અન્ય ઇનામાં સુઝુકી એક્સેસ 125, સુઝુકી ઇટ્રૂડર બાઇક અને મારૂતિ સુઝુકી સ્વિફ્ટ કાર છે. સ્વિફ્ટ કારનું પેટ્રોલ વેરિયન્ટ ઇનામમાં મળશે.
મારૂતિ સુઝુકીની આ ઑફર 30 સપ્ટેમ્બર 2019 સુધી છે. જોકે આ ઑફર બીજી કેટલીક શરતો છે. શરત અનુસાર, સુઝુકીની 250 સીસી અથવા તો તેનાથી નાની પ્રોડક્ટ્સ પર આ ઑફર લાગૂ કરવામાં આવી છે. જોકે કંપની દ્વારા વિજેતા માટેની પસંદગી લકી ડ્રોની મદદથી કરવામાં આવશે.
ઉલ્લેખનીય છે કે, મારૂતિ સુઝુકીની આ ઑફર તમિલનાડુ અને પુડ્ડુચેરીને છોડીને ભારતના તમામ રાજ્યોમાં છે. આ સિવાય Paytm ની મદદથી સુઝુકીનું 2 વ્હીલર બુક કરાવવા પર કેશબેક (કૂપન)ના રૂપમાં 8500 રૂપિયા સુધીના ફાયદા મળશે. આ સ્કીમ વિશે https://www.suzukimotorcycle.co.in/offersપર જઇને વધારે જાણકારી મેળવી શકો છો.