મારુતિ સુઝુકીએ પોતાની પૉપ્યુલર નાની કાર અલ્ટોનું નવું ટૉપ મોડલ VXI+ લોન્ચ કર્યુ છે, આ કાર આ કાર VXI મોડેલનું અપગ્રેડેડ વર્ઝન છે. અપગ્રેડેડ વર્ઝનમાં નવી સ્માર્ટપ્લે સ્ટુડિયો ઈન્ફોટેઇનમેન્ટ સિસ્ટમ આપવામાં આવી છે.
મારુતિ સુઝુકી અલ્ટોની કિંમતની વાત કરવામાં આવે તો 3.80 લાખ રૂપિયા રાખવામાં આવી છે, તેની કિંમત માર્કેટમાં રહેલા અલ્ટોના ટોપ મૉડલ VXI કરતા મોટી છે. અલ્ટોના આ નવા ટોપ મોડલમાં કંપનીએ ઘણા નવા ફિચર્સનો સમાવેશ કર્યો છે.
અલ્ટો 800 VXI+નાં ફીચર્સ
આ હેચબેકમાં જૂનાં વેરિઅન્ટ કરતાં વધારે સેફટી ફીચર આપવામાં આવ્યાં છે. તેમાં ફ્રન્ટ પાવર વિન્ડો, સેન્ટ્રલ લોકિંગ સિસ્ટમ, કી-લૅસ એન્ટ્રી, 2 સ્પીકર, ઇન્ટર્નલી એડ્જસ્ટેબલ આઉટર મિરર ઇનબિલ્ટ છે.
VXI+ વર્ઝનમાં નવી ઈન્ફોટેઈન્મેન્ટ સિસ્ટમ એન્ડ્રોઇડ ઓટો અને એપલ કાર પ્લેને સપોર્ટ કરે છે. કારમાં કનેક્ટિવિટી માટે બ્લુટૂથ અને USB પોર્ટ આપવામાં આવ્યો છે.
નવાં વર્ઝનમાં ડ્યુઅલ ફ્રન્ટ એરબેગ, એન્ટિ લોકિંગ બ્રેકિંગ સિસ્ટમ, ઇલેક્ટ્રોનિક બ્રેકફોર્સ ડિસ્ટ્રીબ્યુશન, રિવર્સ પાર્કિંગ સેન્સર, સ્પીડ અલર્ટ સિસ્ટમ અને સીટ બેલ્ટ રિમાઇન્ડર (ડ્રાઇવર અને કો- ડ્રાઇવર બંને માટે) સહિતનાં સ્ટાન્ડર્ડ સેફટી ફીચર આપવામાં આવ્યાં છે.
એન્જિન
VXI+ વેરિઅન્ટમાં BS6 માન્ય એન્જિન આપવામાં આવ્યા છે. તેમાં પેટ્રોલ પાવર્ડ 800cc 3 સિલિન્ડર એન્જિન આપવામાં આવ્યું છે. તે 48ps અને 96Nmનું ટૉર્ક જનરેટ કરે છે. તેનું CNG એન્જિન માત્ર 41ps પાવર જનરેટ કરે છે. બંને એન્જિનમાં 5 સ્પીડ ગિયર બોક્સ આપવામાં આવ્યાં છે.
પેટ્રોલ એન્જિન 22.05 કિલોમીટર પ્રતિ લિટર અને CNG 32.99 કિલોમીટર પ્રતિ લિટરની માઈલેજ આપે છે.
વર્ષની શરૂઆતમાં આવ્યુ હતુ નવુ મોડલ
મારુતિ સુઝુકીએ આ વર્ષે એપ્રિલમાં અલ્ટોનું અપડેટેડ મોડલ લોન્ચ કર્યુ હતુ. અપડેટેડ મોડલમાં કારની ડિઝાઇનમાં થોડો ફેરફાર સાથે BS6 એન્જિન આપવામાં આવ્યું છે. સાથે તેમાં નવા સેફ્ટી નોર્મ્સ અનૂરૂપ તૈયાર કરવામાં આવી છે. ત્યાર પછી જૂનમાં મારૂતિ અલ્ટોનું CNG વેરિયન્ટ માર્કેટમાં ઉતારવામાં આવ્યુ છે.