દેશમાં હવે તહેવારોની સીઝન શરૂ થવાની છે. એવામાં કાર નિર્માત કંપનીઓ તેમની કારની સેલિંગ વધારવા માટે નવી નવી ઓફર્સ આપીને ગ્રાહકોને આકર્ષિત કરી રહી છે. આ વર્ષે કોરોના મહામારીના કારણે કાર કંપનીઓને ખૂબ જ નુકસાન ભોગવવું પડ્યું છે. જેને પહોંચી વળવા માટે કંપનીઓ સેલિંગ વધારવા માંગે છે. જેના માટે ફેસ્ટિવ સીઝન બેસ્ટ તક છે. આને જોતાં દેશની મોટી કાર નિર્માતા કંપનીઓ તેમની કાર પર બંપર ડિસ્કાઉન્ટ આપી રહી છે. તો તમે પણ કાર લેવાનું વિચારી રહ્યાં હોવ તો આ તક ચૂકી ન જતાં.
Maruti Suzuki Dzire
મારૂતિ આ કારને ઓક્ટોબરમાં ખરીદવા પર તમને લગભગ 44,000 રૂપિયાનું ડિસ્કાઉન્ટ મળશે. જેમાં 14000 રૂપિયા કેશ ડિસ્કાઉન્ટ, 25 હજાર એક્સચેન્જ બોનસ અને 5,000 રૂપિયા કોર્પોરેટ બોનસ સામેલ છે.
Maruti Suzuki S-Presso
મારૂતિની નાની એસયૂવી પર પણ આ મહીને ડિસ્કાઉન્ટ આપવામાં આવી રહ્યું છે. એસ પ્રેસો પર કંપની 23 રૂપિયા ડિસ્કાઉન્ટ, 20 હજાર રૂપિયા એક્સચેન્જ બોનસ અને 5,000 રૂપિયા કોર્પોરેટ ડિસ્કાઉન્ટ આપી રહી છે.
Maruti Suzuki Ecco
મારૂતિ સુઝુકી ઈકો પર કંપની 38000 રૂપિયાની છૂટ આપી રહી છે. જેમાં 13000 રૂપિયા કેશ ડિસ્કાઉન્ટ બોનસ, 20000 રૂપિયા એક્સચેન્જ બોનસ અને 5000 રૂપિયા કોર્પોરેટ બોનસ સામેલ છે.
Maruti Suzuki Celerio
આ સિવાય સેલેરિયો પર પણ કંપની છૂટ આપી રહી છે. આ કાર પર 53,000 રૂપિયાનું ડિસ્કાઉન્ટ કંપની આપી રહી છે. જેમાં 28000 રૂપિયા કેશ, 20000 એક્સચેન્જ અને 5000 કોર્પોરેટ ડિસ્કાઉન્ટ સામેલ છે.
Maruti Suzuki Alto 800
મારૂતિ અલ્ટોની વાત કરીએ તો આ મહિને તેને ખરીદવા પર પણ ફાયદો થશે. કંપની આ કાર પર 21,000 રૂપિયાનું કેશ ડિસ્કાઉન્ટ, 15000 એક્સચેન્જ બોનસ અને 5000 કોર્પોરેટ ડિસ્કાઉન્ટ સામેલ છે. અલ્ટો પર તમને કુલ 41000 રૂપિયા સુધીની છૂટ મળશે.
Hyundai પર પણ છૂટ
હ્યૂન્ડાઈ ટૂંક સમયમાં ભારતમાં Hyundai i20 ની નેક્સ્ટ જનરેશન મોડલ લોન્ચ કરવાની છે. ત્યારે નવા મોડલના લોન્ચ પહેલાં આ કારના વર્તમાન મોડલ પર કંપની 75000 રૂપિયાની છૂટ આપી રહી છે. આ ડિસ્કાઉન્ટ કાર પર મળનારું અત્યાર સુધીનું સૌથી મોટું ડિસ્કાઉન્ટ છે.