WagonR Unveiled / શોર-બકોર વિના ચુપચાપ આવી ગઈ નવી WagonR, બસ આટલી કિંમતમાં મળશે શાનદાર લુક

• 6 મહિનાથી સૌથી વધુ વહેંચાતી કારની લીસ્ટમાં વેગનઆર પહેલા નંબર પર
• સ્પોર્ટી લુક સાથે ઘણા હાઈટેક ફીચર્સ જોવા મળ્યા 
• ચાલો જોઈએ શું છે નવી વેગનઆરની ખાસિયત.. 

ભારતમાં સૌથી વધુ કાર વહેંચનારી કંપની મારુતિ સુઝુકીએ  નવી વેગનઆર (New WagonR)રજુ કરી દીધી છે. જે દેખાવમાં ઘણી સુંદર છે. નવી વેગનઆર(New WagonR) નો લુક ઘણો બદલાય ગયો છે. મિડલ ક્લાસ પરિવાર માટે વેગનઆર આજે પણ પહેલી પસંદ છે અને તેને કારણે જ ભારતમાં છેલ્લા 6 મહિનાથી સૌથી વધુ વહેંચાતી કારની લીસ્ટમાં વેગનઆર પહેલા નંબર પર છે. 

જો કે આ વેગનઆરને જાપાનમાં રજુ કરવામાં આવી છે. નવા મોડલની ડીઝાઇનને અપડેટ કરવામાં આવી છે. નવી વેગનઆરનો લુક ઘણો સ્પોર્ટી લાગી રહ્યો છે સાથે જ ઘણા હાઈટેક ફીચર્સ પણ જોડવામાં આવ્યા છે. ભારતમાં હાજર વેગનઆરથી જાપાનમાં રજુ કરવામાં આવી વેગનઆર ઘણી અલગ છે. તમે પણ પહેલી નજરમાં વેગનઆરને ઓળખી નહીં શકો. ચાલો જોઈએ શું છે નવી વેગનઆરની ખાસિયત.. 

ફ્રન્ટ લુક 
નવી વેગનઆર કારનું ફ્રન્ટ ઘણું જ શાનદાર છે. આગળ ગ્રીલને અપડેટ કરવામાં આવ્યું છે સાથે જ ફ્રન્ટ લાઈટ પણ વધુ આકર્ષિત બનાવવામાં આવી છે. કારની અંદરની વાત કરી તો વેગનઆરમાં ટાઈપ-એ અને ટાઈપ-સી યુએસબી પાવર સોકેટ, કીલેસ પુશ-સ્ટાર્ટ સીસ્ટમ અને ઓટો એર કંડીશનર આપવામાં આવ્યું છે. સાથે જ હીટેડ ડ્રાઈવર સિત આપવામાં આવી છે. 

નવી વેગનઆરમાં ઈંજન 
જાપાન સ્પેક વેગનઆર 660cc મોટર દ્વારા ઓપરેટ થાય છે જે NA પેટ્રોલ અને માઈલ્ડ- હાઈબ્રીડ કોન્ફીગરેશનમાં રજુ કરવામાં આવી છે. આ ઈંજનનું ટર્બો વર્જન સ્ટીંગ્રે અને કસ્ટમ ઝેડ સાથે ઉપલબ્ધ છે. ટ્રાન્સમિશન વિકલ્પોમાં 5-સ્પીડ MT અને CVTનો સમાવેશ થાય છે. 2WD અને 4WD બંને વેરિઅન્ટ ઑફર પર છે. CVT ગિયરબોક્સ સાથે જોડાયેલી માઈલ્ડ- હાઇબ્રિડ પાવરટ્રેન 25.2 kmplની માઇલેજ આપે છે.

2023 Suzuki WagonR facelift - Gets new features, revised interiors pic.twitter.com/Ly2SbuFqGy

— RushLane (@rushlane) August 3, 2022

જાપાન સ્પેક વેગનઆરની કિંમત 
હો જાપાન સ્પેક વેગનઆરની કિંમતની વાત કરીએ તો 1,217,700 યેન થી લઈને 1,509,200 યેન  (7.22 લાખથી લઈને 8.96 લાખ) સુધીની પ્રાઈસ રેન્જમાં ઉપલબ્ધ થશે. ત્યાં જ વેગનઆર Stingray 1,688,500 યેન થી લઈને 1,811,700  યેન  (10 લાખથી લઈને10.75 લાખ) સુધીની પ્રાઈસ રેન્જમાં ઉપલબ્ધ થશે. વેગનઆર કસ્ટમ ઝેડ મોડલ 1,474,000 યેન થી લઈને 1,756,700 યેન  (8.75 લાખથી લઈને 10.43 લાખ) સુધીની પ્રાઈસ રેન્જમાં ઉપલબ્ધ થશે. 

2023 Suzuki WagonR facelift - More safety, airbags, adaptive cruise control pic.twitter.com/bulclgCzOU

— RushLane (@rushlane) August 3, 2022

ભારતમાં વેગનઆર લોકોની પહેલી પસંદ 
ભારતમાં લગાતાર છેલ્લા ઘણા મહિનાથી સૌથી વધુ વહેંચાતી કાર વેગનઆર રહી છે. જુલાઈ 2022 માં 22,588 યુનિટ્સ વંહેચાયા હતા. લોકોને વેગનઆર લો મેન્ટેન્સ કાર લાગે છે અને સાથે જ લુકમાં નાની અને સારી હોવાને કારણે લોકોની પહેલી પસંદ છે. સાથે જ ખુબ જ સારી માઈલેજ પણ આપે છે. ભારતમાં વેગનઆરની કિંમત 5.47 થી 7 લાખ સુધીની છે. વેગનઆરને ભારતીય બજારમાં વર્ષ 1999માં લોન્ચ કરવામાં આવી હતી.