ડિસ્કાઉન્ટ / મારુતિ સુઝુકીની આ કારનાં ભાવ જાણી આજે જ ખરીદવાનું મન થઈ જશે, જાણો કેમ.

• મારુતી સુઝુકી તેની કારની કિંમતો વધારી રહ્યું છે
• ફેબ્રુઆરી મહિનામાં બુક કરાવનારને મળશે ભારે ડિસ્કાઉન્ટ
• હેચબેક કારથી એસયુવી કાર સુધી બધી કારમાં મળશે ડિસ્કાઉન્ટ

મારુતિ સુઝુકી આપી રહી છે અમુક કાર પર મોટું ડિસ્કાઉન્ટ
દેશની સૌથી મોટી કાર નિર્માતા કંપની મારુતી સુઝુકીએ હાલમાંજ તેની કારની કિંમતોમાં વધારો કર્યો છે. તેની કાર આશરે 34 હજાર રુપિયા સુધી મોંઘી થવા જઈ રહી છે. પણ તમે ફેબ્રુઆરી મહિનામાં કાર ખરીદવાનો વિચાર કરી રહ્યા છો તો કંપનીએ અમુક કાર પર મોટી છૂટ આપી છે. જો તમે ઓછી કિંમતમાં મારુતિ સુઝુકીની કાર ખરીદવાનો વિચાર કરી રહ્યાં છો તો આ તમારા માટે ખૂબ સારી તક છે. હાલ કંપની તેની એરિના ડિલરશીપ દ્વારા વેચાઈ રહેલી મારુતી અલ્ટોથી લઈ બ્રેઝા એસયુવીની ખરીદી પર ડિસ્કાઉન્ટ ઓફર કરી રહી છે. તો જાણો કઈ કાર પર કેટલુ ડિસ્કાઉન્ટ મળશે.

અલ્ટો કારની ખરીદી પર મળશે આ મોટુ ડિસ્કાઉન્ટ
મારુતી અલ્ટો - કંપનીની એન્ટ્રી લેવલ હેચબેચ કાર અલ્ટોની ખરીદી પર પૂરા 39,000 રુપિયા સુધીની બચત કરી શકાય છે. જમાં 20,000 રુપિયાનું કંઝ્યુમર ઓફર, 15,000 રુપિયાનું એક્સ્ચેન્જ બોનસ અને 4,000 રુપિયાનું કોર્પોરેટ બોનસ સામેલ છે. જેમાં કંપનીએ 796સીસીની ક્ષમતાનું એન્જિનનો પ્રયોગ કર્યો છે, આ કાર 22 કિલોમીટર પ્રતિલિટર સુધીની માઇલેજ આપે છે.

એસ પ્રેસો પર અડધો લાખ સુધીનું ડિસ્કાઉન્ટ
મારુતી એસ-પ્રેસો - મારુતી સુઝુકીની આ માઇક્રો એસયુવીની ખરીદી પર પણ મોટી બચત કરી શકશો. ફેબ્રુઆરી મહિનામાં આ કાર પર પૂરા 49,000 સુધીની બચત કરી શકશો. જેમાં 25,000 રુપિયા કન્ઝ્યુમર ઓફર, 20,000 રુપિયાનું એક્સ્ચેન્જ બોનસ અને 4,000 રુપિયાનું કોર્પોરેટ બોનસ આપવામાં આવી રહ્યું છે. જેમાં કંપનીની 998સીસીની ક્ષમતાનું એન્જિન મળશે જે 67.05 બીએચપીની પાવર જનરેટ કરે છે. આ કાર 21 કિલોમીટર પ્રતિકિલોમીટરની માઇલેજ આપે છે.

વેગન આર બનશે ફાયદાની ખરીદી
વેગન આર - ટોલ બોયનાં નામે જાણીતી કંપનીની હેચબેક કાર વેગનઆરની ખરીદી પર પણ ડિસ્કાઉન્ટ આપવામાં આવી રહ્યું છે. આ કારની ખરીદી પર તમે પુરા 32,000 રુપિયા બચાવી શકશો. જેમાં 13,000 રુપિયા કન્ઝ્યુમર ઓફર, 15,000 રુપિયા એક્સ્ચેન્જ બોનસ અને 4 હજાર રુપિયા કોર્પોરેટ ડિસ્કાઉન્ટ સામેલ છે. જોકે આ ઓફર ફક્ત સીએનજી વેરિયન્ટમાંજ આપવામા આવી રહ્યું છે. જો આપ પેટ્રોલ મોડલ પસંદ કરો છો તો કન્ઝ્યુમર ઓફર ઘટીને 8 હજાર થઈ જશે.

સ્વિફ્ટ કાર માઇલેજ અને પોકેટની રીતે પરવડે તેવી
સ્વિફ્ટ - મારુતિ સુઝુકી ટૂંક સમયમાં બજારમાં તેની સ્વિફ્ટ કારના ફેસલિસ્ટ મોડલને ઉતારવાની તૈયારી કરી રહી છે. ફેબ્રુઆરી મહિનામાં આ કારની ખરીદી પર પુરા 34 હજાર સુધીની બચત કરી શકાશે. જેમાં 10 હજાર રુપિયા કન્ઝ્યુમર ઓફર, 20 હજાર રુપિયા એક્સ્ચેન્જ બોનસ અને 4 હજાર રુપિયાનું કોર્પોરેટ ડિસ્કાઉન્ટ સામેલ છે. કંપનીએ આ કારમાં 1.2 લીટરની ક્ષમતાનું એન્જિન ફિટ કર્યું છે જે કાર સામાન્ય રીતે 21.21 કિલોમીટર સુધીની માઇલેજ આપે છે.

ડિઝાયર તમારા પોકેટ માટે ફ્રેન્ડલી
મારુતિ ડિઝાયર - કંપનીની જાણીતી કોમ્પેક્ટ સિડાન મારુતિ ડિઝાયર કાર પર ફેબ્રુઆરી મહિનામાં ભારે ડિસ્કાઉન્ટ આપવામાં આવી રહ્યું છે. આ કાર પર પૂરા 32 હજાર રુપિયા સુધીની બચત કરી શકો છો. એમાં 8 હજારનું કન્ઝ્યુમર ઓફર, 20 હજારનું એક્સ્ચેન્જ બોનસ અને 4 હજાર રુપિયા ડિસ્કાઉન્ટ સામેલ છે. ઉપરાંત તેનાં પ્રી-ફેસલિફ્ટ મોડલ પર 25 હજાર રુપિયાની કન્ઝ્યુમર ઓફર આપવામાં આવી રહી છે.

વિટારા બ્રેઝાનુ ડિસ્કાઉન્ટ અવિશ્વસનીય
મારુતિ વિટારા બ્રેઝા - મારુતિ સુઝુકીની કોમ્પેક્ટ એસયુવી વિટારા બ્રેઝાની ખરીદી પર તમે પૂરા 34 હજાર રુપિયા સુધીની બચત કરી શકશો. જેમાં 10 હજાર રુપિયાનું કન્ઝ્યુમર ડિસ્કાઉન્ટ, 20 હજાર રુપિયાનું એક્સ્ચેન્જ બોનસ અને 5 હજાર રુપિયા સુધીનું કોર્પોરેટ ડિસ્કાઉન્ટ સામેલ છે. કંપનીએ આ એસયુવીમાં એક નવુ 1.5 લિટરની ક્ષમતાનું પેટ્રોલ એન્જિં પ્રયોગ કર્યો છે, જે 103.26 બીએચપીનું પાવર જનરેટ કરે છે. આ એસયુવી 17-18 કિલોમીટર પ્રતિલીટર સુધીની માઇલેજ આપે છે.