મારુતી સુઝુકીએ એક લાંબા સમય બાદ બુધવારે ભારતમાં પોતાની નવી કાર મારુતી અર્ટિગા લોન્ચ કરી દીધી છે. વર્ષ 2018 મારુતિ અર્ટિગાની સ્ટાટિંગ કિંમત 7.44 લાખ રૂપિયા છે. જ્યારે તેના ટોપ વેરિયંટની કિંમત રૂ.10.90 લાખ રાખવામાં આવી છે. કંપનીએ તેને કુલ 10 વેરિયંટમાં માર્કેટમાં લોન્ચ કરી છે. એક નવા જ અવતારમાં આવેલી મારુતીની નવી કાર આર્ટિગા હરટેક્ટ પ્લેટફોર્મ પર તૈયાર કરવામાં આવી છે.
નવી મારુતી અર્ટિગાની લંબાઈ 4395mm છે પહોંળાઈ 1735mm છે અને કારના વીલબેસ 2740mm છે. કંપનીએ પોતાની આ નવી એમપીવીમાં 45 લિટર ફ્યુલ ટેન્ક આપી છે. આ ઉપરાંત કારની ડિઝાઈનમાં પણ મોટા ફેરફાર કરવામાં આવ્યા છે. નવી ગાડી અગાઉ કરતા વધારે પ્રીમિયમ દેખાઇ રહી છે. ઉપરાંત ઈન્ટિરિયરમાં પણ વુડ ફિનિશ આપીને પ્રીમિયલ લુક આપવા પ્રયત્ન કરવામાં આવ્યો છે. પાવરની વાત કરવામાં આવે તો અર્ટિગામાં સિયાઝ સિડેનવાળું નવું 1.5 લિટર પેટ્રોલ એન્જિન આપવામાં આવ્યુ છે.
માત્ર પેટ્રોલ જ નહીં પણ ડીઝલમાં પણ આ કાર અવેલેબલ છે. 6000rpm પર 105 hp પાવર અને 4 400rpm પર 138Nm ટોર્ક કાર જનરેટ કરે છે. નવી અર્ટિગાના ડિઝલ મોડેલમાં 1.3 લિટર ડિઝલ એન્જિન આપવામાં આવ્યુ છે. જે 4 400 rpm પર 90hp નો પાવર અને 1750rpm પર 200Nનો ટોર્ક જનરેટ કરે છે. નવી અર્ટિગાના બંને એન્જિનમાં મારુતીની SHVS હાઈબ્રિડ ટેકનોલોજી સાથે આપી છે. કંપનીએ દાવો કર્યો છે કે આ ટેક્નિકથી કારની માઇલેજ સારી આવે છે. આ બંને એન્જિનમાં 5 સ્પીડ મેન્યુઅલ ટ્રાંશમિશનથી લેસ છે. જ્યારે પેટ્રોલ મોડેલમાં 4 સ્પીડ ટોર્ક કન્વર્ટર ઓટોમેટિક ગેરબોક્સ ઓપ્શન પણ આપવામાં આવ્યો છે.
નવી મારુતી અર્ટિગા z+ મોડેલમાં મારુતી સુઝુકીની સ્માર્ટ પ્લે ઇન્ફોરેઇનમેન્ટ આપવામાં આવી છે. જે એન્ડ્રોઈડ ઓટો પ્લે એપલ કારપ્લે અને નેવિગેશ સપોર્ટ સાથે આવે છે. કેમેરા સાથે રેર પાર્કિગ સેન્સર ઓટોમેટિક ક્લાઈમેન્ટ કંટ્રોલ પુશ બટન સ્ટાર્ટઅપ/ સ્ટોપ 15 ઇંચ અલોય વ્હિલ સ્ટેરિંગ વ્હિલ પર લેધર ફિનિશ અને હાઈટ એડજસ્ટેબલ ડ્રાઇવિંગ સીટ પણ આપવામાં આવી છે.
ડ્યુલ એરબેગ્સ અને એબીએસ તમામ મોડેલમાં આપવામાં આવ્યા છે. ઓટોમેટિક મોડેલમાં હિલ-હોવ્ડ ફંક્શન ફિચર પણ આપવામાં આવ્યુ છે. જોકે નવી અર્ટિગામાં DRL સાથે LED હેડલેમ્પસ અને ડાયમંડ કટ અલોય વિલ્સ જેવા ફિચર નહી મળે. મારુતીની આ નવી કાર માટે બુકિંગ શરૂ થઇ ચૂક્યુ છે. જ્યારે કારની ડિલેવરી આ મહિનાના અંત સુધીમાં આપવામાં આવશે.