ઓટો / ધૂમ વેચાઈ રહી છે મારૂતિની આ 7 સીટર કાર, કિંમત ખિસ્સાને પરવડે એવી

• મારુતિ સુઝુકી ઇકોની ભારતીય બજારમાં ધૂમ
• મારુતિ સુઝુકીની ઈકોના વેચાણમાં સતત વૃદ્ધિ
• 2010માં ઈકો લોન્ચ કરવામાં આવી હતી

હકીકતમાં, 2018માં  Maruti Suzuki Eecoની કુલ 84,565 યુનિટ્સ વેચાયા હતા. જ્યારે વર્ષ 2019માં કુલ 1,14,105 યુનિટ્સ વેચાયા હતા. 2018ની તુલનામાં 2019માં 34 ટકાની વૃદ્ધિ જોવા મળી હતી. મારુતિ ઈકોનો ઉપયોગ વ્યક્તિગત અને વ્યવસાયિક બંનેમાં થાય છે.

ટોપ-10 વેચાણ કરતી કારની લિસ્ટમાં સામેલ

મારુતિની આ સેવન સીટર એમપીવી વર્ષ 2019માં ટોપ-10 વેચાણ કરતી કારની લિસ્ટમાં સામેલ હતી. જો તેની કિંમતની વાત કરીએ તો દિલ્હીમાં તેની એક્સ-શોરૂમ કિંમત 3.81 લાખ રૂપિયા છે. જ્યારે ટોપ વેરિયન્ટની કિંમત 6.84 લાખ રૂપિયા છે. કંપનીને આશા છે કે, બીએસ 6 કમ્પ્યાન્ટ સાથે ઇકો રજૂ થતાં વેચાણમાં વધારો થશે.

મારુતિ ઇકો સીએનજી ટેકનોલોજીથી પણ સજ્જ છે

નવી ઈકોમાં 1.2 લિટર પેટ્રોલ બીએસ6 એન્જિન આપવામાં આવ્યું છે. જે 73hp પાવર અને 101Nm નો ટોર્ક જનરેટ કરે છે. આ સિવાય તેમાં 5 સ્પીડ મેન્યુઅલ ગિયરબિક્સની સુવિધા છે. મારુતિ ઇકો સીએનજી ટેકનોલોજીથી પણ સજ્જ છે. નવી મારુતિ ઇકોમાં સલામતી માટે એન્ટિ-લોક બ્રેકિંગ સિસ્ટમ, ડ્રાઇવર સાઇડ એરબેગ અને રીઅર પાર્કિંગ સેન્સર જેવી સુવિધાઓ આપવામાં આવી છે.

2010માં ઈકો લોન્ચ કરવામાં આવી હતી

આ મારુતિ એમપીવીમાં 5, 6 અને 7 લોકોને બેસવાનો વિકલ્પ મળે છે. ગ્રાહકો તેની જરૂરિયાત મુજબ તેને સેટ કરી શકે છે. મારૂતિ દ્વારા જાન્યુઆરી 2010માં ઈકો લોન્ચ કરવામાં આવી હતી. તેણે અત્યાર સુધીમાં 6.5 લાખથી વધુ યુનિટ વેચ્યા છે.

ઇકોના કુલ વેચાણમાં 17 ટકા સીએનજી છે

કંપનીના જણાવ્યા મુજબ, પેટ્રોલવાળી ઇકો પ્રતિ લિટર 16.11 કિ.મી.નું માઇલેજ આપે છે. આ સિવાય તેનું સીએનજી વેરિયન્ટ 21.8 કિમી/કિલોગ્રામનું માઇલેજ આપે છે. કંપનીના જણાવ્યા મુજબ, ઇકોના કુલ વેચાણમાં 17 ટકા સીએનજી છે.