ટાટા મોટર્સ અને મારૂતિ સુઝૂકી લાવી રહી છે CNG કાર્સ
ફેમસ મોડલના નવા CNG વેરિએન્ટ લોન્ચ થશે
મારૂતિની બે કારો અને ટાટાની એક કારનો સમાવેશ
દેશની સૌથી મોટી કાર નિર્માતા કંપની મારૂતિ સુઝૂકીથી લઈને ટાટા મોટર્સ સુધી આ દરેક કંપનીઓ ટૂંક સમયમાં બજારમાં પોતાના ફેમસ મોડલના નવા CNG વેરિએન્ટ લોન્ચ કરવાની છે. તેમાં મારૂતિની બે કારો અને ટાટાની એક કારનો સમાવેશ થાય છે.
Maruti Celerio
મારૂતિ સુઝૂકી પોતાની ફેનસ હેચબેક કાર સેલેરિયોના નેક્સ્ટ જનરેશન મોડલને લોન્ચ કરવાની તૈયારી કરી રહી છે. આ કારમાં સૌથી મોટો ફેરફાર એ જોવા મળશે કે કંપની નવી સેલેરિયોને Heartect પ્લેટફોર્મ પર તૈયાર કરી રહી છે. નવી સેલેરિયો આકારમાં મોટી હશે જેનાથી તમને કારની અંદર વધુ કેબિન સ્પેસ મળશે. આ કારમાં કંપની 7 ઈંચનું ટચસ્ક્રિન ઈન્ફોન્ટેમેન્ટ સિસ્ટમ આપી શકે છે. જેને એપ્પલ કાર પ્લે અને એન્ડ્રોયડ ઓટો સાથે કનેક્ટ કરવામાં આવી શકે છે. તેના હાલના મોડલ પણ સીએનજી વેરિએન્ટની સાથે આવે છે. જે 31 કિમી પ્રતિકિલોગ્રામ સુધીની એવરેજ આપે છે.
Maruti Dzire CNG
દેશની બેસ્ટ સેલિંગ કોમ્પેક્ટ સેડાન કાર ડિઝાયરને પણ નવા સીએનજી અવતારમાં લોન્ચ કરવામાં આવી રહી છે. હાલમાં જ આ કામને ટેસ્ટિંગ વખતે સ્પોટ કરવામાં આવી હતી. હાલ આ કાર ફક્ત પેટ્રોલ એન્જીનની સાથે જ બજારમાં ઉપલબ્ધ છે પરંતુ કંપની તેમાં પોતાના પારંપરિક S-CNG કિટનો પ્રયોગ કરશે. જોકે હાલ તેના વિશે કોઈ જાણકારી નથી મળી કે આ કાર કેટલી માઈલેજ આપશે. આ કારને ફેસ્ટિવ સિઝન વખતે લોન્ચ કરવામાં આવી શકે છે.
Tata Tiago CNG
ટાટા મોટર્સ પોતાની એન્ટ્રી લેવલ કારના સીએનજી વેરિએન્ટને તૈયાર કરી રહી છે. જેને આ વર્ષના અંત સુધી લોન્ચ થવાની આશા છે. નિર્માતાએ સીએનજીથી ચાલતી ટિયાગો અને ટિગોર માટે ટેસ્ટિંગ શરૂ કરી દીધી છે. હાલમાં જ ટિઆગોને પુણેના રસ્તાઓ પર ટેસ્ટિંગ વખતે સ્પોટ કરવામાં આવી હતી. તેના પર ઓન ટેસ્ટ બાય એઆરએઆઈ સ્ટિકર લગાવવામાં આવ્યું હતું. તેમાં કંપની 1.2 લીટરની ક્ષમતાનું રેવોટ્રોન પેટ્રોલ એન્જીનનો ઉપયોગ કરી શકે છે અને તેને દિવાળી પર લોન્ચ કરવામાં આવી શકે છે.