દેશની સૌથી મોટી કાર બનાવતી કંપની મારુતિ સુઝુકી (Maruti Suzuki)એ 3000 અસ્થાઇ કર્મચારીઓનો કોન્ટ્રાક્ટ ખતમ કરી દીધો છે. કંપનીના ચેરમેન આરસી ભાર્ગવનું કહેવું છે કે ઓટો ઇન્ડસ્ટ્રીમાં મંદીને કારણે આમ કરાયું છે.
જોકે, તેમનું કહેવું છે કે સ્થાઇ કર્મચારી પ્રભાવિત નથી થયા. મારુતિની AGM એટલે કે એન્યુઅલ જનરલ મીટિંગમાં એમણે આ વાત કહી છે. આરસી ભાર્ગવનું કહેવું છે કે Maruti Suzuki એપ્રિલ 2020થી ડીઝલ કારનું વેચાણ બંધ કરવાની જાહેરાત કરી ચૂકી છે. એવામાં નાની ડીઝલ કારની જગ્યા ભરવા કંપનીની નજર હવે CNG કાર પર છે.
મારુતિએ એપ્રિલમાં જાહેરાત કરી હતી કે તે એપ્રિલ 2020થી ડીઝલ કારનું વેચાણ બંધ કરશે. ડીઝલ એન્જિનને BS-6 એમિશન નોર્મ્સના મુજબ અપડેટ કરવાની કોસ્ટનું આકલન કર્યા બાદ આમ કરવામાં આવશે.
મારુતિ સુઝુકીની AGMમાં કહેવામાં આવ્યું છે કે આ વર્ષે મારુતિ સીએનજી કારનું પ્રોડક્શન 50 ટકા સુધી વધારવા જઇ રહી છે. સાથે જ, વર્ષના અંત સુધી ડીઝલ કારોને બંધ કરી દેશે. ભાર્ગવનું કહેવું છે કે વર્તમાન નાણાકીય વર્ષમાં થર્ડ અથવા ફોર્થ ક્વાર્ટરથી વાહન વેચાણમાં પોજિટિવ ગ્રોથ શરૂ થશે. બીએસ-VI ટ્રાન્ઝિશને કારણે આવતા વર્ષે વેચાણ વધવાની આશા છે. ચોમાસુ સારું રહેવા અને ગ્રામ્ય વિસ્તારોમાં માંગ વધવાથી આવનાર તહેવારોની સીઝનમાં વેચાણ વધી શકે છે.
અમારો વિશ્વાસ છે કે નાની કાર માટે સીએનજી એક ખુબ જ સારો ઓપ્શન છે. આ પેટ્રોલ ડીઝલનો વિકલ્પ છે. અમારી પાસે સીએનજી ગાડીઓની એક આખી રેન્જ છે. અમે સ્વચ્છ ઇંધણને પ્રોત્સાહન આપવા ઇચ્છીએ છીએ.