મારુતિ સુઝુકી ઇન્ડિયા લિમિટેડ (MSIL) એ આજે જાહેરાત કરી છે કે કંપનીએ ભારતીય બજારમાં 2 કરોડથી વધારે કાર સેલ કરી છે. કંપનીએ 37 વર્ષથી થોડાક ઓછા સમયમાં આ આંકડો પાર કર્યો. ભારતમાં કંપનીએ પોતાની પહેલી કાર ડિસેમ્બર 1983માં લોન્ચ કરી હતી. કંપનીને પહેલી એક કરોડ કાર વેચવામાં લગભગ ત્રણ દાયકાનો સમય લાગ્યો. બાકી એક કરોડ કાર કંપનીએ માત્ર 8 વર્ષમાં વેચી છે.
મારુતિ સુઝુકી ઇન્ડિયા લિમિટેડ (MSIL)ની જાહેરાત, કંપનીએ 2 કરોડથી વધારે કાર સેલ કરી
મારુતિ સુઝુકી કંપનીએ 37 વર્ષથી થોડાક ઓછા સમયમાં આ આંકડો પાર કર્યો
કંપનીને પહેલી એક કરોડ કાર વેચવામાં લગભગ ત્રણ દાયકાનો સમય લાગ્યો
2 કરોડ કાર વેચનારી પહેલી કાર કંપની
મારુતિ સુઝુકીએ ભારતમાં સૌથી પહેલા આઇકોનિક મારુતિ 800 લોન્ચ કરી હતી જેની સેલ ભારતમાં 14 ડિસેમ્બર 1983એ શરુ કરી હતી. ત્યારબાદથી કંપનીએ પાછુ વળીને જોયુ નથી. ભારતમાં 2 કરોડ કાર વેચનારી તે પહેલી કંપની બની ગઇ છે.
BS6 અપગ્રેડમાં પણ સૌથી આગળ
દેશની દિગ્ગજ ઓટોમોબાઇલ કંપની મારુતિ સુઝુકી પોતાના 8 ટોપ સેલિંગ મોડલ્સને BS6 એન્જિનની સાથે લાવી છે. આ મોડલ્સમાં ઓલ્ટો, સ્વિફ્ટ અને ડિજાયર સામેલ છે. BS6 ઇમિશન નોર્મ્સ આવતા વર્ષે એપ્રિલથી લાગૂ થઇ રહી છે.