બુકિંગ શરૂ / સૌથી વધુ માઈલેજ આપશે આ પેટ્રોલ કાર, Maruti ની આ ધાંસૂ કાર ક્યારે થશે લોન્ચ

• દિવાળીમાં મારૂતિ કારના શોખીનો માટે Good News
• મારૂતિ સુઝુકી સિલેરિયોનું નવુ વર્ઝન 10 નવેમ્બરે થશે લોન્ચ
• મારૂતિ સુઝુકીની સત્તાવાર વેબસાઈટ પરથી કરી શકશો બુકિંગ

આ રીતે કારનું કરો પ્રી-બુકિંગ

કંપની મુજબ, હરિયાણાના માનેસર પ્લાન્ટમાં નવી સિલેરિયો કારનું પ્રોડક્શન શરુ થઇ ગયુ છે. આ સાથે કંપની તરફથી જણાવવામાં આવ્યું છે કે સિલેરિયોનું નવુ વર્ઝન 11 હજાર રૂપિયાનું ટોકન એમાઉન્ટ આપી બુક કરી શકાય છે. જેના માટે તમારે મારૂતિ સુઝુકીની સત્તાવાર વેબસાઈટ https://www.marutisuzuki.com/ પર જઇને બુકિંગ કરાવવુ પડશે. આ ઉપરાંત અધિકૃત મારૂતિ શોરૂમમાંથી પણ કારનું બુકિંગ કરી શકાય છે. 

સૌથી વધુ માઈલેજનો દાવો

કંપનીનો દાવો છે કે આ દેશની સૌથી વધુ માઈલેજ આપતી પેટ્રોલ કાર છે. કંપની મુજબ, સિલેરિયો 26 કિલોમીટર પ્રતિ લીટર સુધીનું શાનદાર માઈલેજ આપે છે. માર્કેટમાં આ કારની ટક્કર ભારતમાં પહેલેથી ચાલતી Datsun Go, Tata Tiago અને Hyundai Santro જેવી કાર સાથે થશે.

કાર AC જેવા ફીચર્સથી સજ્જ

સિલેરિયો કારના હાલના મૉડલમાં બ્લૂટૂથ એન્ટરટેઈન્મેન્ટ સિસ્ટમ, સ્ટિયરિંગ માઉન્ટેડ, ઓડિયો કંટ્રોલ, સીટ હાઈટ એડજસ્ટ, પાવર વિન્ડો અને મેન્યુઅલ AC જેવા ફીચર્સ પણ આપવામાં આવી રહ્યાં છે. આ કારમાં સૌથી વધુ કેબિન સ્પેસ પણ મળી રહ્યાં છે. સિલેરિયો કારનું નવુ મોડલ હાલના મૉડલની સરખામણીમાં મોટો ફેરફાર હશે. જેને કારણે તમને પહેલા કરતા વધુ સ્પેસ મળશે અને કાર એક આકર્ષક લુક સાથે આવી રહી છે.