હવે નવા વર્ષ શરૂ થવા માટે ગણતરીના દિવસો બાકી છે ત્યારે મારુતિ લગભગ તમામ મોડેલ પર ધમાકેદાર યર એન્ડ ડિસ્કાઉન્ટ અને ઓફર્સ લઇને આવી છે. કાર બનાવતી કંપનીઓ કારનું વેચાણ વધારવા માટે વર્ષના અંતમાં ડિસ્કાઉન્ટ ઑફર આપે છે પરંતુ ઑટો સેક્ટરની મંદીને કારણે વધારે ડિસ્કાઉન્ટ મળી રહ્યુ છે, જેનો ફાયદો ગ્રાહકોને થશે. જો તમે પણ મારુતિ સુઝુકીની કાર ખરીદવા ઇચ્છો છો તો તમારા માટે આ સૌથી સારો સમય છે.
કંપની અલ્ટો 800, અલ્ટો K10, વેગનઆર, સેલેરિયો, ઇકો પર કેશ બેનિફિટ, કોર્પોરેટ ડિસ્કાઉન્ટ, કન્ઝ્યુમર ઓફર, એક્સચેન્જ બોનસ જેવાં ઘણા ફાયદાઓ આપી રહી છે. આ ઓફર ત્યારે આપવામાં આવશે જ્યારે દેશઙભરમાં સ્ટોક હાજર હશે. આ ઓફર ફક્ત 31 ડિસેમ્બર સુધી માન્ય છે. તો ચાલો આ કાર્સ પર મળી રહેલી ઓફર્સ અને ડિસ્કાઉન્ટ વિશે જાણીએ.
મારુતિ અલ્ટો 800
આ કાર પર કંપની 60 હજાર રૂપિયા સુધીની છૂટ આપી રહી છે. ઓફર કારના પેટ્રોલ અને CNG BS-6 બંને મોડેલ્સ પર આપવામાં આવી રહ્યું છે. આ કારની દિલ્હી એક્સ શો રૂમ કિંમત 2.89 લખ રૂપિયાથી શરૂ થાય છે.
મારુતિ અલ્ટો K10
આ કાર પર કંપની 50 હજાર રૂપિયા સુધીનું ડિસ્કાઉન્ટ આપી રહી છે. ઓફર કારના પેટ્રોલ અને CNG BS-4 બંને મોડેલ્સ પર આપવામાં આવી રહ્યું છે. તેની દિલ્હી એક્સ શો રૂમ કિંમત 3.61 લાખ રૂપિયાથી શરૂ થાય છે.
મારુતિ ઇકો
આ કાર પર કંપની કુલ 40 હજાર રૂપિયા સુધીની ઓફર આપી રહી છે. ઓફર કારના BS-4 મોડેલ આપવામાં આવી રહી છે. આ કારની દિલ્હી એક્સ શો રૂમ કિંમત 3.59 લાખ રૂપિયાથી શરૂ થાય છે.
મારુતિ વેગનઆર
ન્યૂ જનરેશન વેગનઆરના BS-6 વર્ઝન પર 35 હજાર રૂપિયાથી લઇને 4.5 હજાર રૂપિયા સુધીનું ડિસ્કાઉન્ટ આપવામાં આવી રહ્યું છે. તેની દિલ્હી એક્સ શો રૂમ કિંમત 4.42 લાખ રૂપિયાથી શરૂ થાય છે.
મારુતિ સેલેરિયો
મારુતિ આ કાર પર મહત્તમ 50 હજાર રૂપિયા સુધીનો ફાયદો કરાવી રહી છે. આ ઓફર સેલેરિયોના પેટ્રોલ અને CNG બંને મોડેલ્સ પર છે. તેની દિલ્હી એક્સ શો રૂમ કિંમત 4.26 લાખ રૂપિયાથી શરૂ થાય છે.