ગરમીની આ ઋતુમાં કારોમાં મોટે ભાગે AC અને ઇલેક્ટ્રિકલ સમસ્યાઓ જોવાં મળે છે. આને ધ્યાનમાં રાખતા Maruti Suzukiએ આ સમર કેમ્પની શરૂઆત કરી છે જેથી વધારેમાં વધારે લોકો આનો લાભ ઉઠાવી શકે.
Maruti Suzuki Summer Camp: દેશની સૌથી મોટી કાર નિર્માતા કંપની મારૂતિ સુઝુકીએ ભીષણ ગરમીને ધ્યાને રાખીને પોતાનાં ગ્રાહકો માટે એક શાનદાર મોકો લઇને આવેલ છે. કંપનીએ આ ગરમીનાં મોસમમાં કારોની સારસંભાળ માટે સમર કેમ્પની શરૂઆત કરી છે. આ સમર કેમ્પ આગામી 30 એપ્રિલ સુધી ચાલશે. જે અંતર્ગત કંપનીનાં તમામ આઉટલેટ્સ પર મારૂતિનાં તમામ મોડલોની મફત ચેકિંગ થશે.
જો આપ પણ મારૂતિ કારનાં માલિક છો તો આપ પણ આ મોકાનો ફાયદો ઉઠાવી શકો છો અને પોતાની કારને મફતમાં ચેકિંગ કરાવી શકો છો. આપને જણાવી દઇએ કે મારૂતિ સુઝુકીની દેશભરમાં 2,200થી પણ વધારે સર્વિસ સેન્ટર છે અને આ કેમ્પ તમામ સર્વિસ સેન્ટર પર લગાવવામાં આવી રહેલ છે. આ ચેકિંગ કેમ્પમાં કંપની આપની કારનાં AC, કૂલેંટ, ઓઇલ, ટાયર અને ઇલેક્ટ્રોનિકલ પાર્ટ્સની મફત તપાસ કરશે.
કંપનીનો એવો દાવો છે કે મારૂતિ સુઝુકી પ્રતિદિન અંદાજે 50,000 વાહનોની સર્વિસિંગ કરે છે. પરંતુ ગરમીને ધ્યાને રાખીને કંપની કારની એર કંડીશન અને અન્ય ઇલેક્ટ્રિકલ પાર્ટની વિશેષ તપાસ કરશે. જેથી ગ્રાહકોને ઉત્તમ સુવિધા મળી શકે, ગરમીઓમાં કારોમાં વધારે એસી અને ઇલેક્ટ્રિકલ સમસ્યાઓ જોવાં મળે છે.