ઓટો / દિવાળીમાં ખરીદવા જેવી ગાડીઓ: પાંચ લાખથી ઓછી કિંમત અને જોરદાર માઈલેજ, આવી તક જવા ન દે'વાય

• કાર ખરીદવાનું વિચારી રહ્યા હોવ તો વાંચી લો 
• 5 લાખથી પણ ઓછી કિંમતમાં મળશે કાર 
• જાણો શું મળશે બેનેફિટ્સ 

આ ત્રણ કાર કિંમત 5 લાખ થી ઓછી છે 

જો તમે દિવાળી પર નવી કાર ખરીદવા માંગો છો અને તમારું બજેટ 5 લાખથી ઓછું છે તો તમારે ચિંતા કરવાની જરૂર નથી. આજે અમે તમને તે 3 કાર વિશે જણાવવા જઈ રહ્યા છીએ જે 23 kmplસુધી માઈલેજ આપે છે. આ સિવાય આ કારોની શરૂઆતની કિંમત 5 લાખ રૂપિયાથી પણ સસ્તી છે. તેમાં દેશની સૌથી સસ્તી કાર મારુતિ સુઝુકીની અલ્ટો આ સાથે Datsun Redi-Go અને Renault Kwid નો સમાવેશ થાય છે. અમે તમને તેમના પ્રદર્શન અને કિંમતો વિશે જણાવવા જઈ રહ્યા છીએ. તો ચાલો એક નજર કરીએ...

Maruti Suzuki ની Alto કાર  

મારુતિ સુઝુકી અલ્ટો BS6 અનુરૂપ 796 cc,3-સિલિન્ડર, 12-વાલ્વ એન્જિન દ્વારા સંચાલિત છે જે 48PS મહત્તમ પાવર અને 69Nm પીક ટોર્ક ઉત્પન્ન કરે છે. તેનું એન્જિન 5-સ્પીડ મેન્યુઅલ ટ્રાન્સમિશન સાથે જોડાયેલું છે. તેમાં 35 લિટરની ફ્યુઅલ ટેન્ક મળે છે. તેનું વ્હીલબેઝ 2360 mm છે. તેમાં 35 લિટરની ફ્યુઅલ ટેન્ક મળે છે. મારુતિ સુઝુકી અલ્ટો 22.05 kmpl સુધીની માઇલેજ આપે છે. મારુતિ સુઝુકી અલ્ટોની શરૂઆતની દિલ્હી એક્સ-શોરૂમ કિંમત રૂ. 3.15 લાખ છે, જે વધીને રૂ. 4.83 લાખ થાય છે.

Datsun ની Redi-Go કાર  

રેડી-ગો કંપનીની સૌથી સસ્તી કાર છે. ભારતીય બજારમાં, તે 0.8-લિટર અને 1-લિટર જેવા બે એન્જિન સાથે આવે છે. તેનું 0.8-લિટર એન્જિન 54 PS પાવર અને 72 Nm ટોર્ક જનરેટ કરે છે. તે જ સમયે, તેનું 1-લિટર એન્જિન 68 PS મહત્તમ પાવર અને 91 Nm પીક ટોર્ક ઉત્પન્ન કરે છે. આમાં, ગ્રાહકોને 5-સ્પીડ મેન્યુઅલ ટ્રાન્સમિશન સાથે 5-સ્પીડ ઓટોમેટિક ટ્રાન્સમિશનનો વિકલ્પ મળે છે. રેડી-ગો 22 kmpl સુધીની માઈલેજ આપે છે. Datsun Redi-Go ની શરૂઆતની દિલ્હી એક્સ-શોરૂમ કિંમત રૂ. 3.98 લાખ છે, જે તેના ટોપ એન્ડ વેરિઅન્ટ પર રૂ. 4.96 લાખ સુધી જાય છે.

Renault ની Reno Kwid કાર 

નવી Renault Kwid 0.8-લિટર અને 1.0-લિટર એમ બે એન્જિનમાં આવે છે. તેનું 799 cc,3 સિલિન્ડર, 12 વાલ્વ એન્જિન મહત્તમ 54 PS પાવર અને 72 Nm પીક ટોર્ક જનરેટ કરે છે. જ્યારે  999 cc,3 સિલિન્ડર, 12 વાલ્વ એન્જિન 68 PS પાવર અને 91 Nm ટોર્ક જનરેટ કરે છે. તેમજ  5-સ્પીડ મેન્યુઅલ ટ્રાન્સમિશન સાથે ઓટોમેટિક ટ્રાન્સમિશનનો વિકલ્પ પણ મળે છે. તેમાં 28 લીટરની ક્ષમતાવાળી ફ્યુઅલ ટેન્ક છે. તેનું વ્હીલબેઝ 2,422 mm અને ગ્રાઉન્ડ ક્લિયરન્સ 184 mm છે. Renault Kwid 23 kmpl સુધીની માઈલેજ આપે છે. Renault Kwid ની શરૂઆતની દિલ્હી એક્સ-શોરૂમ કિંમત રૂ 4,06,500 છે, જે વધીને રૂ. 5,51,500 થાય છે.