જો તમે નવી કાર ખરીદવા જઇ રહ્યા છો અને તમારું બજેટ 3 લાખ રૂપિયાથી ઓછું છે તો તમે ભારતની આ સૌથી સસ્તી કાર ખરીદી શકો છો.
સસ્તી કાર લેવાની સોનેરી તક
આ છે દેશની આ સૌથી સસ્તી અને શાનદાર કાર
તમારું બજેટ 3 લાખ રૂપિયાથી ઓછું છે તો આજે જ ખરીદો
હાલમાં જ જાપાની વાહન નિર્માતા કંપની ડેટસને તેની સૌથી સસ્તી કાર રેડી-ગોની કિંમતમાં વધારો કર્યો છે. અગાઉ આ કારની કિંમત 2.83 લાખ રૂપિયા હતી, જેના કારણે તે દેશની સૌથી સસ્તી હેચબેક કાર હતી. જોકે, હવે તેની કિંમત 1 લાખ રૂપિયા વધી ગઈ છે. જે બાદ કારની પ્રારંભિક કિંમત વધીને 3.83 લાખ કરી દેવામાં આવી છે. કંપનીના આ નિર્ણયને કારણે દેશની સૌથી સસ્તી કાર હવે મારુતિ સુઝુકી અલ્ટો 800 બની ગઈ છે. ચાલો જાણીએ તેની કિંમત અને ખાસિયતો.
3 લાખથી સસ્તી કાર
મારુતિ સુઝુકીએ હાલમાં જ તેની કારની કિંમતમાં પણ વધારો કર્યો છે. અલ્ટો 800ની કિંમતમાં 12 હજાર રૂપિયા વધારો કરવામાં આવ્યો છે. તેમ છતાં તેના બેઝ મોડેલને 3 લાખથી ઓછામાં ખરીદી શકાય છે. તેની કિંમત 2.99 લાખથી શરૂ થાય છે અને 4.60 લાખ (એક્સ-શોરૂમ) સુધી જાય છે.
માઇલેજ 22.05 kmpl સુધી
અલ્ટોના તમામ મોડેલમાં 796 સીસીનું પેટ્રોલ એન્જિન છે. આ એન્જિન 47.3bhp સુધી પાવર અને 69Nmનો ટોર્ક જનરેટ કરે છે. કંપનીનો દાવો છે કે આ કાર 22.05 kmpl સુધીની માઇલેજ આપે છે. એટલે કે 1 લિટર પેટ્રોલમાં તે 22 કિલોમીટર સુધી દોડશે. અલ્ટોનું સીએનજી વેરિએન્ટમાં પણ આવે છે, જે 31.59 કિમી / કિલોગ્રામનું માઇલેજ આપે છે, જોકે તેમાં થોડો વધુ ખર્ચ થશે. કાર ફક્ત મેન્યુઅલ ટ્રાન્સમિશનમાં આવે છે.
બેઝ મોડેલના ફીચર્સ
જો તમે તેનું બેઝ મોડેલ લો છો, તો તમને તેમાં સીમિત સુવિધાઓ મળે છે. તેમાં ડ્યુઅલ ટોન ડેશબોર્ડ, એડજસ્ટેબલ હેડલાઇટ, મેન્યુઅલી એડજસ્ટેબલ ઓઆરવીએમ, 12 ઇંચ વ્હીલ્સ, ટ્યુબલેસ ટાયર મળે છે. સેફ્ટી માટે ડ્રાઇવર એરબેગ, રીયર સીટ બેલ્ટ, સીટ બેલ્ટ વોર્નિંગ, ક્રેશ સેન્સર, એબીએસ સાથે ઇબીડી અને સ્પીડ એલર્ટ જેવી સુવિધાઓ મળે છે.