રેકોર્ડ બ્રેક / મારૂતિની આ કારે તોડી નાંખ્યાં વેચાણના તમામ રેકોર્ડ, જાણો કેટલી વેચાઈ

• મારુતિ અલ્ટો સૌથી વધારે વેચાયેલી ગાડી
• મિડલક્લાસ પરિવારો માટે અલ્ટો ગાડી 
• મારુતિ સુઝુકીની 2018 સુધી 30 લાખ અલ્ટો વેચાઇ

અલ્ટો એ 21મી સદીની સૌથી વધારે વેચાયેલી ગાડી છે. 2000ના વર્ષમાં શરૂ થયેલ અલ્ટો દેશમાં 40 લાખ યુનિટ્સ વેચાઇ ચૂકી છે. આ કારમાં વર્ષ 2000માં 796સીસીના ત્રણ સિલિન્ડર એન્જીન હતું સાથે જ 47HPનુ પાવર આઉટપુટ પણ આપ્યુ હતું. 

લોન્ચિંગ બાદ અલ્ટોના વેચાણને 1 લાખનો આંકડો પાર કરતા 3 વર્ષ લાગી ગયા હતા. ઓગસ્ટ 2006 સુધી આ ગાડીનુ વેચાણ 5 લાખથી વધુ થઇ ચૂક્યુ હતું. 2008-9માં જ્યારે દુનિયા આર્થિક સંકટોથી ઝઝૂમી રહી હતી ત્યારે અલ્ટોએ 10 લાખ નંગ વેચાણ કર્યુ હતું. વર્ષ 2012માં કંપનીએ નવા એન્જીન સાથે અલ્ટે કે10 લોન્ચ કરી. 2012માં વેચાણનો આંકડો 20 લાખને પાર થઇ ગયો હતો. 

મારુતિ સુઝુકીએ એપ્રિલ 2012થી ફેબ્રુઆરી 2016 વચ્ચે અલ્ટોએ 10 લાખ ગાડી વેચી સાથે જ 15 વર્ષમાં વેચાણનો આંકડો 30 લાખ પહોંચ્યો હતો. ફેબ્રુઆરી 2018માં આ આંકડો વધીને 35 લાખ થઇ ગયો. 

સમયની સાથે સાથે અલ્ટોએ પણ મૉડલ અને ટેકનોલોજીમાં બદલાવ કર્યા. 2012માં લોન્ચ થયેલી અલ્ટો કે10 2014માં સંપૂર્ણ રીતે બદલાઇ ગઇ. 2014માં કંપનીએ અલ્ટોમાં ઓટો ગિયર શિફ્ટ ટેકનોલોજી પણ આપી. 

અલ્ટો બાદ મારુતિ સુઝુકી સિલેરિયો બીજી કાર છે જેમાં ઓટો ગિયર શિફ્ટ ટેકનોલોજી આપવામાં આવી. રોચક વાત તો તે છે કે કોઇ પણ પ્રકારના મોટા બદલાવ વગર અલ્ટોનુ વેચાણ થતુ રહ્યું. 2000માં લોન્ચ થયા બાદ અલ્ટોની કિંમતમાં કંપનીએ ખાસ કંઇ ફેરફાર ન કર્યા. તેને હંમેશા એક મિડલક્લાસ કાર બનાવીને રાખી. સાથે જ ચાર લાખથી વધારે ગાડીઓ શ્રીલંકા, અલ્ઝીરીયા, ચીલી, બ્રિટન, નેધરલેન્ડ જેવા 70 દેશોમાં પણ એક્સપોર્ટ કરી,