કામની વાત / મારુતિ પોતાની લોકપ્રિય કારનું લાવી રહી છે ઇલેક્ટ્રિક વર્ઝન, સિંગલ ચાર્જમાં 200 કિમી, જાણો કેટલી હશે કિંમત

• ભારતીય બજારમાં આવશે ઇલેક્ટ્રીક કાર 
• આ કારનું ફ્યુલ વર્ઝન ગ્રાહકોનું ફેવરિટ 
• સિંગલ ચાર્જ પર 200 કિમી ચાલશે

આ કાર ભારતીય લોકોમાં પહેલેથી જ પોપ્યુલર છે અને હવે તે જ મોડલને ઇલેક્ટ્રીક મોડલમાં લાવશે. જલ્દી જ મારુતિ સુઝુકી વેગનઆર ઇલેક્ટ્રીકને ભારતમાં લોન્ચ કરવામાં આવશે. 

જાણકારી અનુસાર મારુતિ સુઝુકીની આ ઇલેક્ટ્રીક કારને હાલમાં જ ટેસ્ટિંગ દરમિયાન સ્પોટ કરવામાં આવી હતી. કંપની ભારતમાં હવે આ કાર લોન્ચ કરવાની તૈયારીમાં છે અને આ કારના ફ્યુલ વર્ઝન પહેલેથી જ ભારતમાં છે અને હવે આ મોડલ પણ ભારતના ગ્રાહકો માટે ઉપલબ્ધ હશે. 

કહેવામાં આવી રહ્યું છે કે આ કારની રેન્જ 200 કીમી હશે એટલે કે સિંગલ ચાર્જ પર આ કાર 200 કીમી ચાલી શકશે. ફાસ્ટ ચાર્જરની મદદથી આ કારને 1 કલાકમાં 80 ટકા સુધી ચાર્જ કરી શકાય છે અને તમે આ કાર ઘણીવાર ઉપયોગમાં લઇ શકો છો. 

જો કિંમતની વાત કરીએ તો આ કારની કિંમત કંપની 12 લાખ રૂપિયા રાખી શકે છે અને હાલમાં કોઇ ઓફિશીયલ જાણકારી મળી શકી નથી પરંતુ માનવામાં આવી રહ્યું છે કે ફેસ્ટિવ સિઝન સુધી ભારતમાં લોન્ચ થઇ જશે.