કોરોનાના કારણે પબ્લિક ટ્રાંસપોર્ટમાં જતા પહેલા લોકો 2 વાર વિચારે છે અને તેના કારણે જ ગાડીના વેચાણમાં વધારો થયો છે.
કારના ભાવમાં થશે વધારો
2021માં થયો ત્રીજી વાર વધારો
કાર લેવાનું વિચારતા હોવ તો જલ્દી કરજો
ગાડી લેવાનું પ્લાનિંગ હોય તો જલ્દી જ લઇ લેજો કારણકે મારુતિની ગાડીઓ જલ્દી જ મોંઘી થઇ જવાની છે. આ વર્ષે મારુતિની કારમાં ત્રીજી વાર વધારો થવા જઇ રહ્યો છે.
આ પહેલા કંપનીએ જાન્યુઆરી 2021 અને એપ્રિલ 2021માં પણ ગાડીઓનો ભાવ વધાર્યો હતો. હવે જુલાઇ 2021માં ફરીથી વધારો થવા જઇ રહ્યો છે.
રેગ્યુલેટરી ફાઇલિંગમાં કહેવામાં આવ્યુ છે કે એક વર્ષમાં અલગ અલગ ઇનપૂટમાં વધારો થવાના કારણે કંપની પોતાના વાહનોનો ભાવ વધારી રહી છે. જેથી ભાવવધારો અનિવાર્ય થઇ ગયો છે.
ત્રીજીવાર થયો વધારો
મારુતિએ આ પહેલા પણ 2 વાર ભાવમાં વધારો કર્યો છે. જાન્યુઆરી 2021 અને એપ્રિલ 2021માં પણ ગાડીઓનો ભાવ વધાર્યો હતો. મોડલના આધાર પર 34000 રૂપિયા વધારો કર્યો હતો.
કેમ વધી રહ્યો છે ભાવ
મારુતિ સુઝુકીનું કહેવુ છે કે કારના ભાવ, રૉ મટેરિયલના વધતા ભાવના કારણે વધી રહ્યો છે. કંપનીના પ્રોડક્શન કોસ્ટમાં પણ વધારો થયો છે જેના કારણે ભાવ વધી રહ્યો છે.
નિસાન, ટોયોટાના પણ વધ્યા હતા ભાવ
મારુતિ સિવાય ટોયોટા અને નિસાને પણ એપ્રિલમાં પોતાની કારના ભાવ વધાર્યા હતા. કંપની પ્રોડક્શનમાં વધારો થતા કારની કિંમતોમાં વધારો થઇ રહ્યો છે. મારુતિ બાદ અન્ય કંપનીઓ પણ પોતાની કારના ભાવ વધારી શકે છે.