ના હોય ! / મંગળ પર ભારત બનાવવા જઈ રહ્યું છે બિલ્ડિંગ! ISROના વૈજ્ઞાનિકોએ જુઓ શું તૈયાર કર્યું

• મંગળ પર ઈમારત બનાવવા માટે વૈજ્ઞાનિકોએ બનાવી આ વસ્તુ
• દેશના વૈજ્ઞાનિકોએ માણસને રહેવા માટે બનાવી 'અંતરિક્ષ ઈંટ' 
• ઈંટ બનાવવા મંગળની સિમુલેન્ટ સૉયલ અને યુરિયાનો કર્યો ઉપયોગ

ક્રિસ્ટલમાં બદલાય છે કેલ્શિયમ કાર્બોનેટ 

આ 'અંતરિક્ષ ઈંટો'નો ઉપયોગ મંગળ ગ્રહ પર ઈમારત જેવી સંરચનાઓના નિર્માણ માટે કરવામાં આવી શકે છે, જે લાલ ગ્રહ પર માણસને રહેવાની સુવિધા પ્રદાન કરી શકે છે. આ 'અંતરિક્ષ ઈંટો'ને બનાવવાની વિધિનુ સંશોધન પત્રિકા પ્લૉસ વનમાં પ્રકાશિત  એક અભ્યાસમાં દર્શાવવામાં આવ્યું છે. સૌથી પહેલા મંગળની માટીને ગ્વાર ગમ, સ્પોરોસારસીના પેસ્ટુરી નામના બેકટેરીયા, યુરિયા અને નિકલ ક્લોરાઈડની સાથે મળીને એક ઘોલ બનાવવામાં આવે છે. આ ઘોલને કોઈ પણ આકારના ઢાળમાં ઢાળી શકાય છે અને થોડા દિવસમાં બેકટેરિયા, યુરિયાને કેલ્શિયમ કાર્બોનેટના ક્રિસ્ટલમાં બદલી નાખે છે. આ ક્રિસ્ટલ, બેક્ટેરિયા દ્વારા સ્ત્રાવિત બાયોપૉલિમરની સાથે માટીના કણોને એકસાથે બાંધી રાખે છે. 

In collaboration with @isro researchers, an IISc team has developed a sustainable method for making bricks out of Martian soil, using bacteria and urea, which could be used to construct building-like structures on #Marshttps://t.co/70U0V20Hcq#IIScresearch pic.twitter.com/Tow4JZphcf

— IISc Bangalore (@iiscbangalore) April 20, 2022

બેકટેરિયા પોતાના પ્રોટીનથી બાંધે છે વસ્તુ

આ પદ્ધતિનો એક લાભ ઈંટોની ઓછી સાંધ્રતા છે, એટલેકે પાણી અને માટીની યોગ્ય માત્રા. કારણકે અન્ય રીતે તેને પ્રાપ્ત કરવી મુશ્કેલ છે. મંગળની માટીને ઈંટોમાં બદલવા માટે આ કરવુ જરૂરી છે. IIScમાં મિકેનિકલ એન્જિનિયરિંગ વિભાગના એસોસિએટ પ્રોફેસર અને આ અભ્યાસ સાથે જોડાયેલા સંશોધનકર્તા આલોક કુમાર કહે છે, બેકટેરિયા તેના પોતાના પ્રોટીનનો ઉપયોગ કરીને કણોને એકસાથે બાંધે છે. સાંધ્રતાને ઘટાડે છે. મજબૂત ઈંટોનુ નિર્માણ કરવામાં મદદ કરે છે. સંશોધનકારોએ આ રીતે વિધિનો ઉપયોગ કરીને, ચાંદની માટીથી ઈંટો બનાવવા પર કામ કર્યુ હતુ. જો કે, પહેલાની વિધિ ફક્ત નળાકાર ઈંટોનુ ઉત્પાદન કરી શકતી હતી, જ્યારે વર્તમાન સ્લરી-કાસ્ટિંગ વિધિ જટિલ આકારની ઈંટોનુ ઉત્પાદન પણ કરી શકે છે. સ્લરી-કાસ્ટિંગ વિધિને IIScના મિકેનિકલ એન્જિનિયરિંગ વિભાગમાં સહાયક પ્રોફેસર કૌશિક વિશ્વનાથનની મદદથી વિકસિત કરવામાં આવી છે.