ખગોળીય / પિતા-પુત્રીની જોડીને સલામ! મંગળ ગ્રહ પરથી આવેલા સિગ્નલનું રહસ્ય ઉકેલ્યું, 1 વર્ષ લાગ્યું

પૃથ્વીથી કરોડો કિમી દૂર રહેલા અને રાતા ગ્રહ તરીકે ઓળખાતાં મંગળ પરથી આવેલું એક રહસ્યમયી સિગ્નલ ઉકેલાયું છે. અમેરિકામાં પિતા-પુત્રીની જોડીએ એક વર્ષની તનતોડ મહેનત બાદ મંગળ ગ્રહ પરથી આવેલ સિગ્નલનું રહસ્ય ઉકેલી કાઢ્યું છે.

પિતા-પુત્રીની જોડીએ એક વર્ષની મહેનત બાદ અશક્ય કામ પૂરું કર્યું

અમેરિકામાં એક પિતા-પુત્રીની જોડીએ એક વર્ષની મહેનત બાદ અશક્ય કામ પૂરું કર્યું છે. તેણે એક વર્ષ પહેલા મંગળ પરથી આવેલા રહસ્યમય સિગ્નલને ડીકોડ કર્યું છે. યુરોપિયન સ્પેસ એજન્સીના અવકાશયાનને મંગળ પરથી આ સંકેત મળ્યો હતો. આ સમસ્યાના ઉકેલ માટે પિતા-પુત્રી એક વર્ષથી સખત મહેનત કરી રહ્યા હતા. ઓનલાઈન પોર્ટલ દ્વારા સામાન્ય લોકો સાથે ડેટા પણ શેર કરવામાં આવ્યો હતો. આ પડકારને પહોંચી વળવા માટે વૈજ્ઞાનિકોથી લઈને અવકાશમાં રસ ધરાવતા લોકો સુધી બધાએ તેને હલ કરવાનો પ્રયાસ કર્યો, પરંતુ પિતા-પુત્રીની આ જોડીએ અદભૂત કામ કર્યું. આ સિગ્નલને ડીકોડ કરવા માટે, યુરોપિયન સ્પેસ એજન્સી ESA અને INAF એ નાગરિક વૈજ્ઞાનિક સ્પર્ધા યોજી હતી અને કેન અને કેલીએ 22 ઓક્ટોબરે આ રહસ્યમય સિગ્નલને ડીકોડ કર્યું હતું. આ માટે તેણે હજારો કલાકનું સંશોધન કરવું પડ્યું અને અનેક પ્રયોગો કરવા પડ્યા. આ પ્રોજેક્ટને "A Sign in Space" નામ આપવામાં આવ્યું હતું. આ સિગ્નલથી તેઓને એ જાણવામાં મદદ મળી કે શું માનવીઓ એલિયન સભ્યતા સાથે પ્રથમ સંપર્ક કરવામાં સક્ષમ છે?

શું છે સિગ્નલમાં

આ જોડીએ શોધી કાઢ્યું કે સંદેશમાં કેટલાક જૈવિક સંદર્ભો હતા. સફેદ ટપકાં અને રેખાઓ હતી. જેના પર બ્લેક બેકગ્રાઉન્ડ હતું. આમાંથી જાણવા મળ્યું કે તેઓ કોષો બનાવી રહ્યા છે - એટલે કે જીવનનું સર્જન. સિગ્નલમાં પાંચ એમિનો એસિડ હતા, જે બ્રહ્માંડમાં જીવનની રચના દર્શાવે છે. સિગ્નલ ક્રેકીંગ હોવા છતાં, કેન અને કેલી સંદેશમાં છુપાયેલા અર્થને ડીકોડ કરવામાં અસમર્થ હતા.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ