આપઘાત પહેલા વીડિયો જાહેર કરનાર પરિણીતાનો મૃતદેહ મળી આવ્યો, ગઈ કાલે કેનાલમાં ઝંપલાવ્યું હતું
આપઘાત પહેલા યુવતીએ બનાવ્યો હતો વીડિયો
કેનાલમાંથી યુવતીનો મૃતદેહ મળી આવ્યો
રામઘઢથી તંબોળીયા ગામ વચ્ચે કેનાલમાંથી મળ્યો મૃતદેહ
પાટણમાં ગઈ કાલે પરિણીતાના આપઘાત પહેલાનો વીડિયો વાયરલ થયો હતો જેમાં પરિણીતાએ પોતાની આપવીતી વ્યક્ત કરી હતી, યુવતીએ આપઘાત પહેલા વીડિયો જાહેર કર્યો હતો, જે બાદ યુવતીએ કેનાલમાં ઝંપલાવ્યું હતું, પોલીસે તપાસ હાથ ધરી હતી જેમાં પરતું યુવતીની કોઈ પત્તો મળ્યો નહોતો. ત્યારે આજે રામઘઢથી તંબોળીયા ગામ વચ્ચેથી પસાર થતી કેનાલમાંથી યુવતીનો મૃતદેહ મળી આવ્યો છે, જેને પોલીસે મૃતદેહનો કબ્જો લઈ પીએમ અર્થે ખસેડ્યો હતો અને ગઈ કાલે થયેલા વાયરલ વીડિયોના આધારે પોલીસ વધુ તપાસ હાથ ધરી છે.
ગઈ કાલે પરણિતાએ કેનાલમાં ઝંપલાવ્યું હતું
મહત્વનું છે કે વીડિયોમાં મોરબીના વિષ્ણુ નામના વ્યક્તિ પર પરિણીતા આક્ષેપ લગાવી રહી છે અને સાસરિયામાં પણ ફોન કર્યા હોવાનો આક્ષેપ કરવામાં આવી રહ્યો છે. આપઘાત કરનાર યુવતીએ આક્ષેપ કર્યો છે કે લગ્નની લાલચ આપી જિંદગી બગાડી હોવાથી તેણીએ આપઘાત કરવાનું પગલું ભર્યું છે વીડિયો બનાવનાર પરિણીતા ખીમિયાણા ગામની રહેવાસી હતી સમગ્ર વીડિયો વાયરલ થયા બાદ ચાણસ્મા પોલીસે પરિણીતાની શોધખોળ હાથ ધરી હતી પરતું પરિણાતાએ કેનાલમાં ઝંપલાવ્યું હતું.
પાટણીની પરણિતાનો મૃતદેહ સામે આવ્યો
ખીમિયાણા ગામની પરિણીતા એ વીડિયોમાં જણાવ્યા પ્રમાણે વિષ્ણુ નામના યુવક સાથે પ્રેમ સબંધ બંધાયો હતો..જે બાદ પ્રેમ સબંધ દરમિયાન પરિણીતા સાથે લગ્ન કરવાનાા વાયદો કરવામાં આવ્યો હતો પરંતુ થોડા સમય બાદ વિષ્ણુ બીજી યુવતીના પ્રેમમાં સપડાતા પરિણીતએ વિષ્ણુને આવું ન કરવા જણાવ્યું હતું પરિણીતા યુવતીએ વીડિયોમાં જણાવ્યા પ્રમણે મારા સાથે લગ્નના વાયદા કર્યા બાદ હવે બીજી યુવતી સાથે પ્રેમસબંધ બાંધ્યો છે અને હવે જ્યારે મે લગ્ન માટે કહ્યું તો મને બદનામ કરે છે, અને મારા સાસરિયામાં પણ ફોન કરીને મને બદનામ કરી દીધી છે. આ બાદ યુવતીએ કેનાલમાં ઝંપલાવવા દોડી આવી હતી જે દરમિયાન તેણે એક વીડિયો પોસ્ટ કર્યો હતો પરિણીતા યુવતીના કેહવા પ્રમાણે વિષ્ણુ નામના યુવકે મારી જિંદગી ખરાબ કરી દીધી હોવાથી મારા પાસે મરવા સિવાય કોઈ રસ્તો નથી રહ્યો એમ કહીને પરણિતાએ આપઘાત કરી લીધો હતો..જે બાદ આજે પરણિતાનો મૃતદેહ સામે આવ્યો છે.