ગુજરાત સરકારના સનદી અધિકારી છેલ્લા કેટલાક સમયગાળાથી લફરાને લઇને ચર્ચામાં આવતા રહે છે ત્યારે ગાંધીનગર ખાતે ફરજ બજાવતા એક સિનિયર IAS અધિકારીને ગાંધીનગરમાં જ અગાઉ અન્ય ડિપાર્ટમેન્ટમાં ફરજ બજાવતા મહિલા IAS અધિકારી સાથે ‘આંખ’ મળી ગઈ હતી. જો કે, ત્યારબાદ બન્નેની લવ સ્ટોરી અધિકારીની ગૃહિણી પત્ની પાસે પહોંચતા ચકચાર મચી જવા પામી છે.
વધુ એક સનદી અધિકારીના લફરાને લઇને ચકચાર
અન્ય ડિપાર્ટમેન્ટમાં ફરજ બજાવતા મહિલા સાથે અધિકારીનું લફરું
ઘર સુધી મામલો પહોંચ્યા સંસાર ભંગાણના આરે
આ બનાવ અંગે પ્રાપ્ત થતી વિગત અનુસાર, ગાંધીનગર ખાતે ફરજ બજાવી રહેલા વધુ એક IAS અધિકારીનું લગ્ન જીવન ભંગાણના આરે છે. અન્ય ડિપાર્ટમેન્ટમાં ફરજ બજાવતા મહિલા IAS અધિકારી સાથે પ્રણય થતાં અમુક અધિકારી મિત્રોએ સમાધાન કરાવવાના પ્રયાસ કર્યા હતા. જો કે, બંન્ને વચ્ચેના સંબંધોનો અંત નહીં આવતા અંતે આ મામલો ઘર અને સરકાર સુધી પહોંચ્યો હતો.
છૂટાછેડા સુધી પહોંચી વાત
IAS અધિકારીના પત્નીને આ મામલાની જાણ થતાં ઘરમાં ઝઘટા શરૂ થયાં હતા અને છૂટછેડા ત્યાં સુધી આ વાત વધી છે. નોંધનીય છે કે, થોડા સમય પહેલા પણ દહિયા નામના ગુજરાત સરકારના અધિકારીનું લફરું ટોક ઓફ ધ ટાઉન બન્યું હતું અને અંતે દહિયા દંપતીએ છૂટાછેડા લીધા હતા. ત્યારે ફરી એકવાર IAS અધિકારીની હરકત મામલે શું થાય છે તે આગામી સમય જ નક્કી કરશે.