બિહારનાં ભાગલપુરમાં એક 34 ઇંચની દુલ્હન અને 36 ઇંચના વરરાજાનાં અનોખા લગ્ન જોવા મળ્યા, જેમાં વગર આમંત્રણે હજારો લોકો પહોંચી ગયા.
બિહારનાં ભાગલપુરમાં જોવા મળ્યા અનોખા લગ્ન
દુલ્હન 34 ઇંચની અને વરરાજા 36 ઇંચનાં
વગર આમંત્રણે લગ્નમાં પહોંચ્યા હજારો લોકો
કહેવાય છે કે ઉપરવાળો જોડી બનાવીને જ મોકલે છે. ઘણી વાર આપણે આસપાસનાં લોકોને કહેતા સાંભળ્યા હશે કે લગ્ન માટે છોકરો કે છોકરી શોધી રહ્યા છીએ, પણ સંબંધ ત્યાં જ નક્કી થાય છે,જ્યાં લખેલ હોય છે. કંઈક આવું જ બન્યું છે બિહારનાં ભાગલપુરમાં, જ્યાં એક 34 ઇંચની દુલ્હન અને 36 ઇંચનાં વરરાજાનાં લગ્ન થયા છે. ચાલો જાણીએ શું છે સમગ્ર મામલો.
અનોખા લગ્નમાં પહોંચ્યા હજારો લોકો
બિહારનાં ભાગલપુરમાં એક અનોખા લગ્ન યોજાયા હતા, જેમાં દુલ્હન અને વરરાજા બંનેને આશીર્વાદ આપવા હજારો લોકો પહોંચ્યા હતા, એ પણ કોઈ આમંત્રણ વગર. ભાગલપુરમાં આ અનોખા લગ્ન થયા અને ફેરા લેતા જ આ લગ્ન ચર્ચાનો વિષય બની ગયા. આ લગ્નમાં વરરાજા 36 ઇંચનો અને દુલ્હન 34 ઇંચની હતી. આ લગનને જોવા માટે ઘણા લોકો વગર આમંત્રણે જ હજારોની સંખ્યામાં સામેલ થયા અને તેમણે દુલ્હા-દુલ્હન સાથે સેલ્ફી પણ લીધી હતી. તેઓ યૂનિક લગ્નમાં સામેલ થયા હતા.
દેશભરમાં આ લગ્નની ચર્ચા
આ લગ્નમાં બેંડ બાજા અને બારાત એકદમ સામાન્ય લગ્ન જેવું જ હતું, પરંતુ આ લગ્નની ચર્ચા દેશભરમાં જોવા મળી રહી છે. નવગછિયાનાં અભિયા બજાર નિવાસી કિશોરી મંડળની દીકરી મમતા કુમારી 24 વર્ષની છે. જ્યારે મસારુ નિવાસી બીન્દેશ્વરી મંડળનો દીકરો 26 વર્ષનો છે. આ બંનેનાં લગ્ન બધા જ રિવાજો સાથે જ સંપન્ન થયા.
વિવાહ થયા સંપન્ન
આ અનોખા લગ્ન બાદ જ્યારે વર વધૂ સાસરાએ પહોંચ્યા, ત્યારે સાસરા પક્ષે મમતાનું ભવ્ય સ્વાગત કર્યું અને બંનેનાં સારા ભવિષ્યની શુભકામનાઓ પણ આપી. જ્યારે લગ્નને લઈને વર વધૂએ જણાવ્યું કે બંનેએ પોતાની મરજી પોતાના પરિવારને જણાવી અને બધાની સહેમતિથી આ વિવાહ સંપન્ન થયા. બંનેએ જણાવ્યું કે બંને પોતાના લગ્નતથી ખૂબ જ ખુશ છે.
લગ્નથી આખા ગામમાં છવાયો ઉત્સાહ
જણાવી દઈએ કે આપણા વરરાજા કોઈ પ્રાઈવેટ ડાન્સ એકેડમીમાં ડાન્સ ક્લાસ પણ લે છે. જયારે બંનેનાં લગ્નથી આખા ગામમાં ઉત્સાહનું વાતાવરણ છે અને આસપાસનાં લોકોનું કહેવું છે કે સામાન્ય રીતે આવા લોકોની સમાજમાં મજાક ઉડાવવામાં આવે છે પણ દુલ્હા-દુલ્હનનું કહેવું છે કે અમને તેનાંથી કોઈ ફેર પડતો નથી, અમે પોતાના જીવનમાં ખુશ છીએ.