વિચારણા / લગ્ન માટે છોકરીઓની ન્યૂનતમ ઉંમર વધારી શકે છે સરકાર, મળ્યા સંકેત

• લગ્ન માટે છોકરીઓની ન્યૂનતમ ઉંમર 21 કરી શકે છે સરકાર 
• આ પાછળનો હેતુ માતૃત્વ મૃત્યુદરમાં ઘટાડો કરવાનો છે
• વર્તમાનમાં લગ્ન માટે યુવતીની ન્યૂનતમ ઉંમર 18 વર્ષ અને યુવકની 21 વર્ષ છે.

સરકારની આ કવાયત પાછળ સુપ્રીમ કોર્ટનો એક નિર્ણય છે. વર્તમાનમાં લગ્ન માટે યુવતીની ન્યૂનતમ ઉંમર 18 વર્ષ અને યુવકની 21 વર્ષ છે.

શુ છે મામલો 
આ મામલાની જાણકારી રાખનાર લોકોએ મીડિયાને જણાવ્યું હતું તે સુપ્રીમ કોર્ટનો ઓક્ટોબર 2017માં આવેલો એક નિર્ણય સરકારની આ કવાયદનું કારણ હોઈ શકે છે. કોર્ટે કહ્યું હતું કે વૈવાહિક બળાત્કારથી યુવતીને બચાવવા માટે બાળ વિવાહને પૂરી રીતે ગેરકાયદેસર માનવા જોઈએ. 

સુપ્રીમ કોર્ટે લગ્ન માટે ન્યૂનતમ ઉંમર વિશેનો નિર્ણય લેવાનું કામ સરકાર પર છોડી દીધું હતું. બીજી તરફ કહેવામાં આવી રહ્યું છે કે જો માતા બનવાની કાનૂની ઉંમર 21 વર્ષ નક્કી કરી દેવામાં આવે તો મહિલાની બાળક આપવાની ક્ષમતાવાળા વર્ષોની સંખ્યા આપો આપ ઘટી જશે.

યૂનિસેફના આંકડા પ્રમાણે ભારતમાં 27 ટકા યુવતીઓના લગ્ન 18 વર્ષની ઉંમર પહેલા અને 7 ટકા યુવતીઓના લગ્ન 15 વર્ષની ઉંમર પહેલા થઈ જાય છે. ભારતના કેટલાક રાજ્યો અને સમુદાયોમાં બાળ વિવાહ થવા સામાન્ય વાત છે. બાળ વિવાહને રોકવા માટે ભારતમાં સખત કાનૂન છે. આમ છતા આવા ઘણા મામલા સામે આવે છે.