IPLIN
 
  • Home
  • India
  • marriage age controversy muslim leaders strange arguments on girls marriage age increasing

વિવાદ / '18 વર્ષ એટલે યુવતીઓ બહુ થઇ ગઇ ઉંમર' લગ્નની ઉંમર 18થી 21 વર્ષ કરતા મુસ્લિમ નેતાઓએ કર્યો વિરોધ

Team VTV 06:38 PM, 17 Dec 21
Follow us
marriage age controversy muslim leaders strange arguments on girls marriage age increasing

યુવતીઓના લગ્નની ઉંમર 18થી વધીને 21 વર્ષ કરવાના પ્રસ્તાવને કેબિનેટની મંજૂરી મળી ગઇ છે, પરંતુ હવે આના પર વિવાદ શરૂ થઇ ગયો છે.

  • લગ્નની ઉંમર 18થી વધારીને 21 વર્ષ કરવાનો મોદી સરકારનો પ્રસ્તાવ
  • સપા સાંસદે શફીકુર્રહમાને કહ્યું- દીકરીઓના લગ્નની ઉંમર 21 વર્ષ કરવી યોગ્ય નહીં, સાસરે પણ ભણી શકે છે
  • શફીકુર્રહમાન બર્કે કહ્યું કે, લગ્ન બાદ પણ તે સાસરીયે જઇને વાંચી શકે છે. ત્યાં તેને કોઈ ના થોડું પાડશે

'21 વર્ષે જ યુવતીના લગ્ન થઇ શકશે' કેન્દ્ર સરકારના પ્રસ્તાવ બાદ તમામ રાજનેતાઓના નિવેદન પણ સામે આવી રહ્યા છે. આ બિલના વિરોધમાં કેટલાક મુસ્લિમ નેતાઓથી લઇને મુસ્લિમ ધાર્મિક ગુરૂઓને કેબિનેટના નવા પ્રસ્તાવના વિરોધમાં મોર્ચો ખોલ્યો છે. સમાજવાદી પાર્ટીના સંભલથી સાંસદ શફીકુર્રહમાન બર્ક, દેવબંદી ઉલમા મુફ્તી અસદ કાસમી, સપા નેતા અબુ આઝમી અને ઝારખંડના મંત્રી હફીજુલ અંસારી તેમાં સામેલ છે.

મોદી કેબિનેટ તરફથી આ પ્રસ્તાવને મંજૂરી મળવા પર મુસ્લિમ ધારાસભ્યોએ વિરોધ દર્શાવ્યો છે. અબુ આઝમી અને હવે ઝારખંડના મંત્રી હફીઝુલ અંસારીએ કહ્યું કે, યુવતીઓના લગ્નની ઉંમર 18 વર્ષથી વધુ ન હોવી જોઈએ.

શફીકુર્રહમાન બર્કે કહ્યું કે, યુવતીઓ માટે 18 વર્ષની ઉંમર ઘણી હતી. 21 વર્ષની ઉંમર કરવી યોગ્ય નહીં. તેઓ સાસરીયે જઇને પણ ભણી શકતી હતી. શફીકુર્રહમાન બર્કે વધુમાં કહ્યું કે, દેશનો માહોલ ખરાબ છે, તેનાથી બચી જશે. તમે જોઈ રહ્યા છો કે પરિસ્થિતિ કેટલી ખરાબ છે? આપણે પોતાની દીકરીઓનું ધ્યાન રાખવું પડે છે. ક્યાં તેની સાથે ખોટું કામ ન થઇ જાય. હું આ બિલનો વિરોધ કરીશ. દેશની અંદર ગરીબ એ ઇચ્છે છે કે આપણી દીકરીના જલ્દી લગ્ન થઇ જાય અને તે પોતાના ઘરે ચાલી જાય.

બર્કે કહ્યું કે, લગ્ન બાદ પણ તે સાસરીયે જઇને વાંચી શકે છે. ત્યાં તેને કોઈ ના થોડું પાડશે. તો અબુ આઝમીએ કહ્યું કે, જેમ માણસના મોત બાદ તાત્કાલિક તેને અંતિમ સંસ્કાર આપી દેવાય છે, તે જ રીતે યુવતીઓ જવાન થાય એટલે જલ્દીથી જલ્દી લગ્ન કરી દેવા જોઈએ. આ બેટી બચાવો બેટી પઢાઓના નામ પર ભ્રષ્ટાચાર થઇ રહ્યો છે. આ છુપાવવા માટે આ બધુ કરવામાં આવી રહ્યું છે.

Marriage age Muslim લગ્ન મુસ્લિમ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ