Marriage after the first vote: In the great festival of democracy, the bride and groom arrived with drums to vote, you will also keep watching this VIDEO
ઈલેક્શન 2022 /
પહેલા મત પછી મેરેજ: લોકશાહીના મહાપર્વમાં વર-વધૂ ઢોલ નગારા સાથે પહોંચ્યા મતદાન કરવા, તમે પણ જોતા રહી જશો આ VIDEO
Team VTV04:39 PM, 01 Dec 22
| Updated: 04:39 PM, 01 Dec 22
ગુજરાતમાં ઠંડીની મૌસમ જામી છે. બીજી તરફ આજે વિધાનસભાનું પ્રથમ તબક્કાનું મતદાન થઈ રહ્યું છે. વરરાજા તેમજ દુલ્હન લગ્ન કરવા જતા વહેલી સવારે મતદાન કરવા પહોચ્યા હતા.
ગુજરાતમાં એક તરફ ઠંડીની મૌસમ અને લગ્નની સીઝન સાથે પ્રથમ તબક્કાનું મતદાન
વરરાજા તેમજ દુલ્હન લગ્ન કરવા જતા પહેલા મતદાન મથકે પહોચ્યા
લોકોને મતદાન કરવા યુવાઓએ અપીલ કરી
લોકશાહીના પર્વની ઉજવણી કરવામાં આવી રહી છે. ત્યારે વ્યારા શહેરના દાદરી ફળિયામાં રહેતા યુવા વરરાજા દ્વારા આજે મતદાન કરવા પહોંચ્યા હતા. ત્યારે લગ્નનો સમય સવારે હતો જે વરરાજા દ્વારા કેન્સલ કરીને સાંજનો કરવામાં આવ્યો ત્યારે વરરાજા દ્વારા મતદારોને વધુમાં વધુ મતદાન કરવા માટે અપીલ કરી છે. વરરાજા શરીરે લગાવેલી પીઠિ સાથે મતદાન કરવા મતદાન મથકે પહોચ્યા હતા. ત્યારે વરરાજાએ જણાવ્યું હતું કે મારો લગ્નનો સમય બપોરનો હતો. જે સમબ બદલીને સાંજનો કર્યો છે. અને મારો કિમતી મત આપવા આવ્યો છું. ત્યારે હું દરેક વ્યક્તિને વિનંતી કરૂ છું કે તમારો કિમતી મત આપો..
મતદાન બાદ દુલ્હને ખુશી વ્યક્ત કરી
હાલમાં લગ્નસરાની મૌસમ પણ જામી છે ત્યારે આજે લગ્ન પણ ખૂબ જ હોઈ લોકો લગ્ન પહેલા પોતાનો કિંમતી મત આપવા માટે મતદાન મથકે પહોચ્યા છે. ત્યારે બોટાદમાં પણ દુલ્હને પ્રભુતામાં પગલા પાડતા પહેલા મતદાન કર્યું હતું. ત્યારે મતદાન બાદ દુલ્હને ખુશી વ્યક્ત કરી હતી અને લોકોને પણ મતદાન કરવા અપીલ કરી હતી.
એક તરફ લગ્નની મૌસમ અને બીજી તરફ કડકડતી ઠંડી
રાજ્યમાં આજે વિધાનસભાની ચૂંટણીમાં પ્રથમ તબક્કાનું મતદાન ચાલી રહ્યું છે. એક તરફ લગ્નની મૌસમ છે અને બીજી તરફ કડકડતી ઠંડીની સીઝન જામી છે. ત્યારે કચ્છ ગાંધીધામમાં વરરાજાએ મતદાન કર્યું હતું. ત્યારે લગ્નનાં ફેરા ફર્યા પહેલા વરરાજા મતદાન કરવા પહોચ્યા હતા. વરરાજાએ લોકોને પોતાનાં કિંમતી મત આપવા અપીલ કરી હતી.
જાન જોડતા પહેલા સમગ્ર પરિવાર સાથે મતદાન કર્યું
ગુજરાતમાં લગ્નસરાની મૌસમ પૂરબહારમાં ખીલી છે. ત્યારે મતદાનને લઈને પણ લોકોમાં અનેરો ઉત્સાહ જોવા મળી રહ્યો છે. ત્યારે અમરેલીના લોકોએ ભારે ઉત્સાહ સાથે મતદાન કર્યું હતું. અમેરીલના વરરાજા દર્શન વેકરીયાએ જાન જોડતા પહેલા સમગ્ર પરિવાર સાથે મતદાન કર્યું હતું અને લોકોને મતદાન કરવા અપીલ કરી હતી.
ઢોલ-નગારા સાથે જાન જોડી સૌ પ્રથમ મતદાન કર્યું
એકબાજુ ઠંડીની સીઝન ધીમે ધીમે જામી રહી છે ત્યારે બીજી તરફ લગ્ન સીઝન પણ હોઈ ઠેર ઠેર લોકો ગુજરાતમાં લગ્ન કરતા પહેલા વહેલી સવારથી પોતાના પરિવારજનો સાથે મતદાન કરવા પહોચ્યા હતા અને પોતાનો કિમતી મત આપ્યો હતો. બોટાદના ઢસા ગામે વરરાજાએ પોતાના મતાધિકારનો ઉપયોગ કર્યો હતો. ત્યારે તેઓ ઢોલ-નગારા સાથે જાન જોડી પરિવાર સાથે મતદાન કર્યું હતું. વરરાજાએ પણ મતદાન કરી આ મતદાનના મહાપર્વમાં અન્ય લોકોને મતદાન કરવા કહ્યું હતું.