T 20 વર્લ્ડ કપ શરૂ થવાની તૈયારીમાં જ છે. ભારત-પાકિસ્તાનની મૅચ 24 તારીખે રમાવાની છે ત્યારે સોશ્યલ મીડિયા પર લોકો પોસ્ટ કરવા લાગ્યા છે.
INDvsPAK મૅચ પહેલા વીડિયો વાયરલ
પાકિસ્તાન માટે મૅચ જીતવી જરૂરી : મોમીન
2019ની મૅચ બાદ વાયરલ થયો હતો મોમીન
ભારત-પાકિ મૅચ પહેલા વીડિયો વાયરલ
છેલ્લી વાર રમાયેલી વન ડે ઇન્ટરનેશનલ વર્લ્ડ કપમાં ભારત દ્વારા પાકિસ્તાનને હરાવવામાં આવ્યું તે સમયે એક શખ્સનો વીડિયો વાયરલ થયો હતો. જેમાં તેણે સ્ટેડિયમ બહાર પાકિસ્તાન ક્રિકેટર્સને ખરી ખોટી સંભળાવી હતી. તે જ શખ્સનો 'મારો મુજે મારો' વાળો ડાયલોગ ખુબ વાયરલ થયો હતો. આ ડાયલોગના એટલા તો મિમ્સ બન્યા કે આજ સુધી તે શખ્સને આપણે યાદ કરીએ છીએ.
વાયરલ થયો શખ્સ
વીડિયો શૅર કરીને મોમીને અલગ અલગ પ્રકારની વૉર્નિંગ આપી દીધી છે. તેણે કહ્યું, શું તમે તૈયાર છો લાગણીથી ભરપૂર ભારત-પાક મૅચ માટે. 2 જ તો મૅચ છે એક ભારત પાકિસ્તાન અને બીજી આમિર ખાનની ફિલ્મમાં મૅચ છે તે. તે દિવસે તમારો શ્વાસ રોકાઇ જશે. ખુદા કસમ એવું લાગે છે કે કાલે જ 2019ની મૅચ પતી છે. આ મૅચ જીતવી પાકિસ્તાન માટે ખુબ જરૂરી છે.
વરિષ્ઠ અને અનુભવી ખેલાડીઓ સાથે રમશે પાક ટીમ
Jio ટીવી સાથે વાત કરતા ટીમના એક સૂત્રએ કહ્યું કે, “મેચમાં ટીમ વરિષ્ઠ અને અનુભવી ખેલાડીઓ સાથે રમશે. જો ત્યાં કોઈ ફિટનેસ સમસ્યા નથી, તો પછી જે ટીમ પ્રેક્ટિસ મેચમાં જશે તે જ ભારત સામે મેદાનમાં ઉતરશે. સૂત્રએ એવુંપણ કહ્યું કે, પ્લેઇંગ-11માં બાબર આઝમ, મહોમ્મદ રિઝવાન, ફખર ઝમા,મહોમ્મદ હફીઝ,શોએબ મલિક અને આસિફ અલીને તક મળી શકે છે. જણાવી દઇએ કે,વેસ્ટ ઈન્ડિઝ સામેની પ્રેક્ટિસ મેચમાં બાબરે અડધી સદી ફટકારી હતી, જ્યારે ફખરે 46 રનની આક્રમક ઈનિંગ રમી હતી. હાફીઝ અને મલિક પણ બોલિંગ કરે છે.
ઓલરાઉન્ડર શાદાબ અને ઈમાદનું રમવાનું નક્કી
સૂત્રો દ્વારા પ્રાપ્ત થયેલી જાણકારી પ્રમાણે, ઓલરાઉન્ડર શાદાબ ખાન અને ઈમાદ વસીમ પણ ભારત સામેની મેચમાં જોવા મળશે.વેસ્ટ ઈન્ડિઝ વિરૂદ્ધની મેચમાં વાઈઝ કેપ્ટન અને લેગ સ્પીનર શાદાબ ખાને 2 ઓવરમાં 7 રન આપ્યા હતા. જ્યારે લૅફ્ટી સ્પિનર ઈમાદે 3 ઓવરમાં 6 રન આપીને એક વીકેટ ઝડપી હતી.