આશરે 40 દિવસ બાદ અમદાવાદમાં માર્કેટ શરૂ થતા ન્યૂ ક્લોથ બજારમાં ગ્રાહકોની ભીડ જોવા મળી હતી, 3 વાગ્યે બજાર બંધ થવાના સમયે પણ ટ્રાફિક જામ સર્જાયો હતો
અમદાવાદમાં બજારો શરૂ થતા ગ્રાહકોની ભીડ
ન્યૂક્લોથ માર્કેટ બહાર ટ્રાફીક જામના દૃશ્યો જોવા મળ્યા
મોટી સંખ્યામાં લોકો આંશિક લોકડાઉનના દિવસે ઉમટ્યા
અમદાવાદ વેપારમાં છૂટછાટના પ્રથમ દિવસે જ ગ્રાહકોની લાઈન લાગી હતી. ન્યૂ ક્લોથ માર્કેટ બહાર ટ્રાફીક જામ જોવા મળ્યો હતો. લગભગ એક મહિના બાદ બજાર ખૂલી થઈ છે. દેશના સૌથી મોટા હોલસેલ કાપડ બજાર પૈકી એક ન્યૂ ક્લોથ માર્કેટમાં ભીડ જોવા મળી હતી. પરંતુ સરકારે હાલ પૂરતી સમય મર્યાદા ગોઠવી છે. જેથી બપોરે 3 વાગ્યે બજારો બંધ થવાના સમયે ટ્રાફીક જામ પણ જોવા મળ્યો હતો. વેપારીઓએ બેન્ક, ટેક્સ, ઉઘરાણી અને નવા ઓર્ડરના કામ પણ શરૂ કર્યા છે.
પાર્લરમાં એડવાન્સ બુકિંગ નોંધાયા
રાજ્યમાં આંશિક લોકડાઉનમાં રાહત મળતા અમદાવાદ શહેરના બ્યુટી પાર્લર અને સલૂન પાર્લરમાં ગ્રાહકો જોવા મળ્યા હતા. લગ્નની સીઝન હોવાથી બ્યુટી પાર્લર અને હૈર સલૂનમાં પણ મોટા પ્રમાણમાં બુકિંગ થયા છે. છેલ્લા બે દિવસમાં 100થી વધુ લોકોએ એડવાન્સ બુકિંગ કરાવ્યું છે. તો પાર્લરમાલિકો દ્વારા લોકોની ભીડ ભેગી ના થાય અને કોવિડ ગાઈડ લાઈનનો અમલ થાય તેનું ધ્યાન રાખવામાં આવ્યું છે. દરેક ગ્રાહકને અલગ અલગ સમય આપવામાં આવ્યા છે. જે મુજબ જ ગ્રાહકે પાર્લર પર આવીને ટ્રીટમેન્ટ કરાવવાની રહે છે.