શૅર બજારમાં કોરોના વાયરસ (Coronavirus) નો કહેર જારી છે. સતત ત્રીજા દિવસે સેન્સેક્સ (Sensex) અને નિફ્ટી (Nifty) ભારે ઘટાડા સાથે બંધ થયા. બજારમાં વેચવાલીને પગલે સેન્સેક્સ 1709.58 પોઇન્ટ એટલે કે 5.59 ટકા ટૂટીને 28,869.51ના સ્તર પર બંધ રહ્યો.
સતત ત્રીજા દિવસે સેન્સેક્સ અને નિફ્ટી ભારે ઘટાડા સાથે બંધ થયા
સેન્સેક્સ 1709.58 પોઇન્ટ એટલે કે 5.59 ટકા ટૂટીને 28,869.51ના સ્તર પર બંધ રહ્યો
નિફ્ટી 425.55 પોઇન્ટ એટલે કે 4.75 ટકા ઘટીને 8,541.50ના સ્તરે બંધ થયો
જ્યારે નિફ્ટી 425.55 પોઇન્ટ એટલે કે 4.75 ટકા ઘટીને 8,541.50ના સ્તરે બંધ થયો. સેન્સેક્સ 30ના 28 શૅર લાલ નિશાનમાં જોવા મળ્યા. જ્યારે નિફ્ટીમાં 6 શૅર ગ્રીન નિશાનમાં બધ થયા. ડાઓ ફ્યૂચર્સમાં પણ લોઅર સર્કિટ લાગી ગયું છે, જેના કારણે બજાર સેન્ટીમેન્ટ વધુ ખરાબ થઇ ગયું છે. આજના કારોબારમાં સેક્ટોરલ ઇન્ડેક્સમાં નિફ્ટી મીડિયાને છોડીને બાકી તમામમાં ઘટાડો જોવા મળ્યો.
સૌથી વધારે ઘટાડો બેન્કિંગ, ઓટો, ફાઇનેન્શિયલ સર્વિસ, મેટલ, ફાર્મા, રિયલ્ટી સેક્ટરમાં રહ્યો. બજારમાં ઘટાડાથી રોકાણકારોને 5.5 લાખ કરોડ રૂપિયાથી વધારે નુકશાન થયું છે.
બજારમાં ઘટાડાથી રોકાણકારોને મોટો ઝટકો લાગ્યો છે. બુધવારે રોકાણકારોના 5 લાખ કરોડ રૂપિયાથી વધારે ડુબી ગયા છે. મંગળવારે બીએસઇ પર લિસ્ટેડ કુલ કંપનીઓનું માર્કેટ કેપ 1,19,52,066.11 કરોડ રૂપિયા હતું. જે આજે 5,68,436.93 કરોડ રૂપિયા ઘટીને 1,13,83,629.18 કરોડ રૂપિયા થઇ ગયું.
કોરોના વાયરસે પગલે દુનિયા એક મોટી આર્થિક મંદી તરફ જઇ રહી છે. એસ એન્ડ પી રેટિંગ એજન્સીએ ભારતનું ગ્રોથ અનુમાન ઘટાડ્યું છે. 2020 માટે ભારતનો ગ્રોથ અનુમાન 5.7 ટકાથી ઘટાડીને 5.2 ટકા કરી દેવાયો છે. જ્યારે ચીનનો ગ્રોથ અનુમાન 4.8 ટકાથી ઘટાડીને 2.9 ટકા કરી દેવાયો છે.
નોંધનીય છે કે એજીઆર મામલે સુપ્રીમ કોર્ટે કડક વલણ અપનાવતા કહ્યું કે સેલ્ફ અસેસમેન્ટ કરવું કોર્ટની અવમાનના છે. સુપ્રીમ કોર્ટે કહ્યું કે મામલામાં અમારો આદેશ સ્પષ્ટ છે કે ચૂકવણી મામલે કોઇ આપત્તિ ચલાવી લેવાશે નહીં. કોર્ટના આદેશ વિના સેલ્ફ અસેસમેન્ટ ખોટું છે. આ સમાચાર બાદ વોડાફોન આઇડિયાનો શૅર 35 ટકા તુટી ગયો છે. જ્યારે ઇન્ડસ બેન્કમાં પણ 30 ટકાનો ભારે ઘટાડો આવ્યો છે. આ શૅર 6 વર્ષના નીચલા સ્તરે જોવા મળી રહ્યો છે.